ملګري ملتونه: افغانان مرستې ته اړتیا لري، نړیواله ټولنه یې چې هېر نکړي
د کډوالو د مرستې دپاره د ملګرو ملتونو ادارې يو اېن اېچ سي ار ویلي د غیر یقیني حالاتو سره مخامخ په مېلینونو افغانان امداد ته اړتیا لري او نړیواله ټولنه چې په دې مهال د پامه ونه غورځوي.
د وي او ای د انګریزۍ څانګې د رپورټ ترمخه سږ کال ۵۵۰۰۰۰ افغانان چې ۸۰ فیصد پکې ښځې او ماشومان دې د جنګ دلاسه بې کوره شوي دي.
رپورټ وايي دغه نوي بې کوره شوي کسان د هغو دوه اشاره نهه مېلین افغانانو نه علاوه دي چې د ورستي حالاتو نه وړاندې خپلو کورونو په پرېښودو مجبور شوي دي.
امریکايي ځواکونو د افغانستان نه ۹۰۰۰ کسان راوېستلي دي
کابل ته د طالبانو د رسېدو نه په وروسته ورځو کې امریکايي ځواکونو په مجموعي توګه ۹۰۰۰ کسان د افغانستان نه راوېستلي دي.
وایټ هاوس وویل یوازې د زیارت، پنجشنبې، په ورځ ۳۰۰۰ کسان د کابل حامدکرزي نړیوال هوايي ډګر نه را و وېستل شو چې پکې امریکايي شهریان او افغانان شامل وو.
دغه کسان په ۱۶ پروازونو کې راوېستل شوي دي چې پکې د امریکې شهریان، د دوی کورۍ، د خطر سره مخامخ افغانان او د اېس ايي وي یا امریکې ته د مهاجرت خصوصي ویزو خواست کوونکي افغانان شامل وو.
وایټ هاوس د جمعې په ورځ په یو بیان کې وویل په تېرو ۲۴ ګنټو کې امریکايي پوځ د ۱۱ چارټر يروازونو مرسته هم کړې ده.
وایټ هاوس وویل د ۱۴ اګست راهسې امریکايي ځواکونو د افغانستان نه ۹۰۰۰ کسان راوېستلي دی.
هم د جمعې په ورځ به صدر جوبایډن په وایټ هاوس کې افغانستان نه د امریکايي شهریانو او افغانانو د انخلا په اړه وېنا کوي.
د کابل هوايي اډې امنیت امریکايي ځواکونو په خپلو لاسو کې اخیستی او صدر بایډن ویلي ترڅو ټول امریکایان د افغانستان نه نه وي راوېستل شوي امریکايي عسکر به په افغانستان کې موجود وي .
صدر بایډن به افغانستان نه د امریکايانو او دافغانانو د انخلا په موضوغ خبرې کوي
د امریکې صدر جوبایډن به د جمعې په ورځ په وایټ هاوس کې افغانستان نه د امریکايي شهریانو او د دوی کورنیو، د مهاجرت خصوصي ویزو خواست کوونکو افغانانو اوکورنیو او د خطر سره مخامخ د نورو افغانانو افغانستان نه د وېستلو په اړه خبرې کوي.
د صدر بایډن د وېنا دپاره د واشنګټن په وخت د غرمې یوه بجې وخت ټاکل شوی دی.
رپورټ: طالب وسله والو د افغان خبریال د کورنۍ غړی وژلی
طالب وسله والو د جرمني نشریاتي ادارې ډوېچې وېلی سره کارکوونکي افغان خبریال د کورنۍ یو غړي وژلی او بل یې زخمي کړی دی.
د رویټرز خبري ادارې ترمخه طالبانو د دغه خبریال په لټون کې کور په کور ګرځېدل خو هغه دا مهال په جرمني کې د مدیر یا اېډیټر په ډول خدمات ترسره کوي.
خبري ادارې د خبریال نوم نه دی څرګند کړی او ویلي یې دي چې د هغه د کورنۍ نور غړي پټ شوي دي.
د ډوېچی وېلی ډرېکټر جنرل پيټر لېمبرګ د خبریال د کورنۍ غړي په وژل کېدو خفګان څرګند کړو او ویې وېل دا څرګندوي چې د ادارې کارکوونکي او د دوی کورنۍ د څومره خطر سره مخامخ دي.
د رویټز ترمخه د ډوېچې وېلی د دریو نورو خبریالانو په کورونو هم چاپې وهل شوي دي.
په سمدستي ډول دا نه ده معلومه چې طالبانو په اړه اړه څه ویلي دي؟