لاس رسیدونکی لینک

Breaking News

د نېټو چارواکي وايي افغان ځواکونه ترهگرو ته په ماتي ورکولو کې بریالي شوي دي


په افغانستان کې د نېټو عسکر

کابل ته د نېټو ورغلي پلاوي له ترهګرۍ سره د مبارزې په برخه کې د افغان امنیتي ځواکونه بریالي وبلل.

افغان چارواکو ویلي د افغانستان د روان وضعیت د ارزونې په هدف د نېټو پلاوي په دوه ورځني سفر کې د بلخ او د هرات ولایتونو له سفر وروسته د ملي امنیت شورا له مشر حنیف اتمر، د دفاع او د کورنیو چارو له وزیرانو سره ولیدل.

دملي امنیت د شورا ویاند قادر شاه وویل افغانستان ته د نېټو په پلاوي کې چې د اروپايي هیوادونو لپاره دامریکايي ځواکونو قومندان، په نېټو کې دامریکا، جرمني، ایټالیا، ترکیې دایمي سفیران شامل دي ،له افغان امنیتي چارواکو سره یې له ترهګرۍ سره د مبارزې ، د سولې په پروسې اود سیمه ییزو همکاریو پردوام خبرې وشوې.

نوموړی وویل د نېټو پلاوي دافغانستان د وضعیت د ارزولو په پایله کې له افغان چاروکو سره په ګډه ناسته کې د وروستیو پرمختګونو او لاسته راوړنو خوښي څرګنده کړه او له ترهګرۍ سره په مبارزه کې د افغان ځواکونو له وړتیاو یې ستاینه وکړه او ژمنه یې وکړه چې له افغان امنیتي او دفاعي ځواکونو څخه به خپل ملاتړ ته دوام ورکوي.

دا چې دنېټو د پلاوي لخوا د افغانستان د روان وضعیت ارزونه به دافغانستان په روان وضعیت څه تاثیر ولري په اړه یې د ملي امنیت د شورا ویاند وویل، "د امنیتي همکاریو ،له ترهګرۍ سره د مبارزې ،د سولې پروسې په رابط د نېټو او افغان حکومت د نظرونو د تبادلې ناستې طبعا ګټورې وي او مونږ ډیر خوشبینه یو چې د دوی دا تازه لیدنه او هغه پرمختګونه چې له نږدې څخه یې ولیدل دا به ډیر ګټور تمام شي او د دوی په وروستیو پریکړو به مثبت اغیز ولري."

په ورته وخت کې د دفاع وزارت ویاند مرستیال جنرال رادمانش د نېټو د پلاوي دسفرهدف په افغانستان کې د پاکستان داستخبارتي لوبې له امله دګواښونو د کچې معلومول په ګوټه کړل.

راد مانش وویل، "دا پلاوۍ چې راغلي د افغانستان ټول مسایل ارزوي او همداراز دوی په دې هیدل غواړي چې رښتیا هم په افغانستان کې د پاکستان له لوري د استخبارتي لوبې په ترڅ کې ګواښونه رامنځته کیږي او کنه او وروسته د ناټو په کمیټه کې په دې غور کیږي او همدارنګه د ملي اردو تعلیم او تربیه ،مشورې اومالي مرستو په اړه بحث کیږي او دهغې له مخې له افغانستان سره خپلې مرستې جاري ساتي ."

دفاع وزارت وویل افغان حکومت د ترهګرۍ پرضد مبارزه کوي او له مرسته کوونکو هیوادونو څخه هم غواړي چې عملا له افغان امنیتي ځواکونو سره مرسته وشي ترڅو وکولی شي په افغانستان کې ترهګرۍ ختمه کړي.

XS
SM
MD
LG