لاس رسیدونکی لینک

تازه خبر

رپورټ: حماس د یرغمالیانو خوشې کولو لپاره د امریکې د مذاکراتو وړاندیز منلی دی


د فلسطین د وسله والې ډلې حماس یوې لوړ پوړې سرچینې رایټرز خبري اژانس ته ویلي حماس د اسرایلي یرغمالیانو د خلاصون لپاره د خبرو اترو پېل کولو په اړه د امریکې وړاندیز منلی دی.

سرچینې د نوم نه ښودلو په شرط ویلي د حماس وسله واله ډله له خپلې دې غوښتنې تېره شوې ده چې اسرایل په تړون له لاسلیک کولو نه وړاندې باید په مستقله توګه د اوربند ژمنه وکړي اؤ د اوربند د وړومبي پړاؤ په شپږو اوونیو کې دې ددې مقصد ترلاسه کولو لپاره خبرو ته غاړه کښیږدي.

د نړیوال کچ د منځګړتوب د روانو هڅو سره د نزدې تړاؤ لرونکي یو فلسطیني چارواکي وینا ده چې که اسرایل دې وړاندیز ته غاړه ږدي اؤ د څرنګوالي په اړه یې یوه داسې معاهده کیدای شي چې له امله یې د اسرایل اؤ حماس تر منځ د نهو میاشتو نه روانه جګړه پاي ته ورسیږي.

حماس غوښتنه لري چې اسرایل دې بشپړ اوربند وکړي اؤ خپل ځواکونه دې د غزې څخه وباسي خو د اسرایل وزیراعظم پرله پسې وایي چې د حماس تر بشپړې خاتمې به اوربند نه کیږي.

د اسرایل د مذاکراتي ډلې یوې سرچینې د نوم نه ښکاره کولو په شرط رایټرز ته ویلي چې اوس تړون ته د رسېدلو ریښتونې موقعه ده، دا د نهو میاشتو راهسې د روانې جګړې په اړه د اسرایل د هغه زوړ دریځ نه بیخي جلا خبره چې ویل یې د حماس شرطونه د منلو نه دي.

د اسرایلي وزیراعظم بن یامین نتین یاهو ویاند په دې اړه د نظر ورکولو غوښتنې ته په سمدستي توګه څه ځواب نه دی ویلی.

نیتن یاهو د جمعې په ورځ ویلي وؤ چې د اسرایل د استخباراتي شبکې مشر په قطر کې د ثالثانو سره له ابتدایي خبرو وروسته بېرته راستون شوی اؤ دا خبرې اترې به راتلونکې اوونۍ کې هم دوامداره پاتې شي.

د حماس جلا وطنه مشران دا مهال په دوحه کې میشت دي.

په غزې کې د اوربند اؤ د یرغمالیانو د خوشې کولو لپاره هڅو کې د تېرو څو ورځو راپدیخوا د امریکې ، اسرایل اؤ قطر تر منځ د ډپلوماسۍ په نتیجه کې چټکتیا رامنځته شوې ده.

د غزې د صحت محکمې د چارواکو له مخې د نهو میاشتو نه روانه دې جګړه کې تر اوسه د اسرایلي ځواکونو بریدونو کې ۳۸۰۰۰ نه زیات فلسطینیان وژل شوي دي .

د اسرایل وینا ده چې په ۷م اکتوبر د حماس له لوري شوې حمله کې ۱۲۰۰ کسان وژل شوي وؤ اؤ د حماس وسله والو د ځان سره ۲۵۰ پورې کسان یرغمال کړي اؤ غزې ته یې تښتولي وؤ.

یوې سیمه ییزې سرچینې رایټرز ته ویلي چې امریکایي انتظامیه نومبر کې د کیدونکو صدارتي ټاکنو نه وړاندې یوې معاهدې ته د رسېدو لپاره کوټلې هڅې کوي.

(ددې رپورټ معلومات له رایټرز څخه اخستل شوي)

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG