د امریکې مشهور پييانو غږونکی، کمپوز او د بېڼد مشر احمد جمال د ۹۲ کلونو په عمر کې اتوار، يکشنبې، په ورځ وفات شو.
د واشنګټن پوسټ اخبار ترمخه د جمال مېرمن لورا هېس هی د خاوند د مرګ تصدیق وکړو. د هغه لور صومیا جمال د نیویارک ټایمز اخبار ته وویل چې پلار يې د پروسټېټ کېنسر ناروغۍ نه مړ شو.
جمال د موسیقۍ صنف جېز کې نوم پېدا کړی و. په فرانس او برطانیه کې هم د موسیقۍ کمپنو د هغه د مرګ خبر شریک کړی دی.
جمال د موسیقۍ د مایلز ډېوېس او مېک مکوی ټاینر په شان د نورو مشهورو هنرمندانو دوست و او هغوی يې په فن یې اثرات غورځولي دي.
جمال د پېنسلوېنیا ریاست په پېټبرګ ښار کې زېږېدلی و. د هغه نوم فرېډرېک رسرل جونز و خو په ۱۹۶۰ کې يې اسلام قبول او نوم يې احمد جمال ته بدل کړو.
جمال یو شمېر انعامونه ګنلي چې په کې په کال ۲۰۰۷ کې د فرانس ارډر ډي ارټس دي لېټرز او په ۲۰۱۷ کې د ګرېمي لایف ټایم اچیومېنټ اوارډ هم شامل دی.
جمال د موسیقۍ په جېز صنف کې نوم پېدا کړی او وېل کېږي چې د هغه د کوښښونو په نتیجه کې خلک د پاپ موسيقۍ نه د جېز خوند اخیستلو ته راواوړېدل.
واشنګټن پوسټ د جمال د پييانو د غږولو د ټېکنيک په باره کې لیکلي چې د هغه انداز لږ کم متحرک و او موسيقۍ د څپو په منځ کې به يې خاموشي کوله.
د جمال د ۱۹۵۰ ځینې ریکارډونه تېر کال ريلیز شوي وو. په دې اړه نیویارک ټایمز ټایمز لیکلي وو چې د جمال د موسیقۍ نظریه د خپل وخت دپاره د جدت او د ا صلیت وه.
په ۱۹۵۸ کې د جمال اېلبم "احمد جمال اېټ دي پرشېنګ بټ ناټ فار مي" ډیره کامیابي ترلاسه کړه او د بل بورډ په چارټونو تر ۱۰۰ هفتو پورې په سر وه. نیویارک ټایمز وویل دا د خپل وخت بهترین ريکارډنګ و.
د دې وروسته د جمال ګڼ شمېر نورو ريکارډونو مقبولیت ترلاسه کړو چې ټایمز وویل دا د غمو فهرست دی.
تېر کال د نیویارک ټایمز سره مرکه کې جمال وویل کله چې پيیانو ته کښېني نو هنر يې د ارتکا نه تېرېږي او ذهن ته يې تازه خیالات ورځي.
یادونه: د دې خبر معلومات د ای اېف پي خبري ادارې نه اخیستل شوي دي
