هندوتوا واچ: د مسلمانانو خلاف د کرکې ويناګانې د انتخابونو نه وړاندې تېزيږي

د امريکا په سرښار واشنګټن ډي سي کې د هندي څېړونکو يو تنظيم هندوتوا واچ په خپل يو رپورټ کې دعوه کړې په هند کې د انتخاباتو په رانيزدې دمسلمانانو خلاف د کرکې بيانونه تېز شي.

په لږکيو د حملو د ريکارډ ساتلو په اړه رپورټ وايي د کال 2023 په وړومبۍ نيميای کې ليدل کيږي چې هره ورځ د يو نه زيات د کرکې بیانونه خورول.

د رپورټ ترمخه په دغه مهال د مسلمانانو خلاف 255 پېښې ثبت شوي چې په جلسو جلوسونو کې د کرکې ويناګانې شوي وې. د دې نه وړاندې د داسې قسمه پېښو د موازنې دپاره څه شمار شمېرې نشته.

په رپورټ د کرکې د معيار کچه د ملګرو ملتونو د ټاکل شوې کچې مطابق ايښودې شوه چې وايي “د رای هر قسمه اظهار چې په بد نيتۍ اوتوپيري لهجه کې د بل چا تن لا ډلې په اړه د مذهب، نسل، قوميت، رنګ، اختلاف رای، جنس لا د نورو عواملو په بنياد کيږي د کرکې ويناده”.

رپورټ وايي نزدې 70 فیصد پېښې په هغو ايالتونو کې شوي چې په کال 2023-24 کې انتخابات کېدونکي دي. په دغو ریاستونو کې مهاراشټرا،کرناټکا، مدهيه پراديش، راجستان او ګجرات تر ټولو وړاندې دي.

یوازې په مهاراشټرا کې د کرکې د وينا غونډې 29 فیصد ته رسېدلې دي او د رپورټ ترمخه چې په کې اکثريت ويناګانې د سازشي نظريو د خپرولو او تشدد ته د خلکو د رابللو په حقله دي چې غواړي د مسلمانانو سره اقتصادي اړيکې ختمې کړي.

قریباً 80 فيصد پېښې په هغو ځايونو کې شوي چې د وزير اعظم نرېندرا مودي هندو قام پرست ګوند بهارتيه جنتا پارټي په حکومت کې ده او تر ډېره امکان څرګنديږي د کال 2024 په عامو انتخابونو کې به بيا بری ترلاسه کړي.

هندوتوا واچ وايي تنظيم د هندي قام پرستو ډلو انلاين یا په انټرنېټ څار کړی او د هغوی خواره کړل شوي ويډيو پيغامونه يې تعقيب کړي چې په سوشل ميډيا چلېدلي او هغه پېښې يې هم ريکارډ کړي چې په ځانګړې توګه ميډيا رپورټ کړي.

د مودي حکومت د لږکيو سره د بد چلن خبره ردوي.

په واشنګټن کې د هند سفارت د تنظيم پوښتنو ته هيڅ ځواب نه دی ورکړی. دبشري حقونو کارمندان وايي په کال 2014 کې د مودي په اقتدار کې د راتللو وروسته د مسلمانانو سره ښه چلن نه کيږي.

دا کارمندان وايي د کال 2019 د شهريت قانون د ملګرو ملتونو د بشري حقونو دفتر بنيادي توپيري ګرځولی چې مسلمانان کډوال به نه قبولوي. د مذهب د بدلولو قانون د عقيدې بنيادي ازادۍ اييني حق چيلنج کوي او د کال 2019 پرېکړه د اکثريت مسلمانانو سيمې کشمير خصوصي حيثيت ختموي.

په کرناټکا کې چې کله بي جی پي په واک کې وه نو د مسلمانانو ودانۍ يې د تجاويزاتو په نوم ړنګې کړې او په مسلمانانو جينکو يې په سکولونو کې په حجاب اغوستلو بندېز لګولی و.