د امریکې بل ګېټس فاونډېشن د بلوچستان د پولیو هغه کارکوونکو سره مالي مرسته کړې چې د تېر کال په بارانونو او سېلابونوکې يې کورونه نړېدلي وو.
د بلوچستان په لورالايي سيمه کې د پولیو په ضد شاوخوا اتيا کارکوونکو ته د ضلعې د ډپټي کمشنرد مرستې چيک ورکړل.
ډپتي کمشنر عتيق الرحمن شاهواني وي او اې ډيوه ته ويلي، چې دغه مرسته به د پوليو کارکوونکو حوصلې لوړې کړي، چې په سختو موسمي حالاتو کې د پوليو کار کوي او تر هر ماشوم پوري ځانونه رسوي.
ښاغلي شاهواني وویل "دا د بينک چيک د بل ګېټس فاونډېشن له خوا له سېلابونو د متاثره هغه پوليو کارکوونکو ته ورکول شوي، کوم په پوليو کيمپېنونو کې کور پر کور ګرځي، چې د دوی حوصلې لوړې شي او خپل زيانمن شوي کورونه بېرته جوړ کړي. سېلابونو په پاکستان او بلوچستان کې ډېر زيان اړولی و."
د سيمې د صحت محکمې ډي ايچ او ډاکټر ناصر وايي، له سېلابونو په اغېزمن شوو پوليو کارکوونکو کې نارينه او مېرمنې هم دي چې د بل ګېټس فاونډېشن له خوا ورسره مرسته شوې. دوی د فاونډېشن په مرسته خوشاله دي او مننه يې کوي.
ناصر وویل شپږ اتيا نارينه او ښځينه پوليو کارکوونکو ته د بل ګېټس اېنډ ميلنډا فاونډېشن له خوا د مرستې چيک ورکوی شوي دي. "د بلوچستان حکومت او د صحت محکمه د فاونډېشن مننه کوي، چې د ايالت پوليو کارکوونکو حوصله پورته کوي."
د تېرکال په وروستي مياشت کې د پاکستان حکومت په هيواد کې فرنټ لاين یا د لومړي محاذ پوليو کارکوونکو ته چې په سېلابونو کې يې کورونه زيانمن شوي وو، دوه نيم ميليونه مرستې ورکړې وې. دغه مرستې د صحت د مرکزي وزير عبدالقادر پټېل له خوا ورکړل شوې وې.
