لاس رسیدونکی لینک

تازه خبر

د امریکې خارجه وزیر د افغان او ایرانۍ مېرمنو ستاینه کړې، وايي د خپلو ازادیو دپاره ودرېدلي دي


بلېنکن وویل امریکا د هغو مېرمنو په ملاتړ کوي چې د دنیا په ګوټ ګوټ کې په عام ژوند کې ښځو د ازاد، مکمل او مساوي شرکت دپاره کوښښونه کوي
بلېنکن وویل امریکا د هغو مېرمنو په ملاتړ کوي چې د دنیا په ګوټ ګوټ کې په عام ژوند کې ښځو د ازاد، مکمل او مساوي شرکت دپاره کوښښونه کوي

په جمهوریت کې د مېرمنو د کردار په اړه د یوې غونډې په موقع د امریکې خارجه وزیر اېنټني بلېنکن د خپلو ازادیو دپاره د اودرېدو په سر د افغان او ایرانۍ مېرمنو ستاینه کړې ده.

د نهې، سه شنبې، په ورځ غونډې ته خپل تقریر کې بلېنکن وویل د خطرونو باوجود ایرانۍ مېرمنو د ایراني پولیس په ولکه کې د مهسا امیني د مرګ په سر احتجاجونه وکړل او د ازادۍ او د ژوند غوښتنه يې وکړه.

او په افغانستان کې بېلنکن وویل مېرمنې د غوره مستقبل دپاره جنګېږي د دې باوجود چې طالبان يې د امروزه ژوند نه د حذف کولو کوښښونه کوي.

بلېنکن وویل امریکا د هغو مېرمنو په ملاتړ کوي چې د دنیا په ګوټ ګوټ کې په عام ژوند کې ښځو د ازاد، مکمل او مساوي شرکت دپاره کوښښونه کوي. هغه زیاته کړه چې امریکا د خپلې سفارتکارۍ دلارې په نړیواله کچه د صنفي مساوات د پرمختګ حمایت کوي.

د امریکې خارجه وزیر وویل ښځې نه یوازې د امرانه حکومتونو دلاندې د مشکلاتو سره مخامخ دي بلکې ګڼ شمېر ځایونو کې د تعلیم او د کار زورګار مساوي موقعې نه لري.

بلېنکن وویل ښځینه خبریالانې، وکیلانې، سیاستدانانې او په نورو شعبو کې کارکونکي مېرمنې په انلاین بڼه ویرول کېږي، د تشدد ښکار کېږي، انصاف ته په مساوي کچه لاس رسی نه لري، د تعصب ښکار کېږي، د کار په ځای کې ورسره دوه ګونې سلوک کېږي، تعلیم، د صحت د خسمانې سهولتونو ته رسايي نه لري او د ځان او د کورنیو دپاره جایداد نه شي ساتلی.

مهسا امیني تېر کال د سېپټمبر په میاشت کې د ایراني پولیس په ولکه کې مړه شوي ده. هغه په دې الزام نیول شوي وه چې حجاب يې سم نه و اغوستی. د هغې د مرګ نه پس په ټول ایران کې د حکومت په ضد احتجاجونه راوپارېدل چې پکې یو شمېر کسان وژل شوي او په سلګونو ګرفتار کړی شوي دي. په احتجاجونو کې د ګډون په سر ځینو کسانو ته د مرګ سزاګانې هم اورول شوي دي.

د ایران حکومت په مغربي ملکونو الزام لګولو چې د ایران احتجاجونو ته لمن وهي او د مظاهرو د خاموشه کولو دپاره د خپلو اقداماتو دفاع یې کوله.

په افغانستان کې د طالبانو د بیا واکمنېدو نه پس طالب چارواکو د ښځو په تعلیم، کار روزګار او حرکت پابندۍ لګولي دي.

نړیوالې ټولنه د ښځو په اړه د طالبانو د تګلارو غندنه کوي. طالبان د خپل دریځ دفاع کوي، وايي ښځو د تعلیم او کار روزګار دپاره به د اسلام او افغان دود دستور سره سم حالات برابروي.

یادونه: د دې خبر معلومات د وي او ای د فارسۍ څانګې نه اخیستل شوي دي

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG