د اروپايي اتحاديې نه د برطانیې د جداکیدو تاریخي فیصلې له امله د جمعې په ورځ د ټوکیو نه تر اروپا او څه حده پورې د امریکې د ونډو په بازارونو لوی اثر شوی. په برطانیه کې د دغه هیواد پیسه (کرنسي) په ۳۰ کاله کې په لومړي ځل تر ټولو ښکته پریوتې او یورپي بینکونو ته په ریکارډ کچه تاوان رسیدلی.
د پاکستان په شمول په ایشیاېي هیوادونو کې نن د برطانې د دغه فیصلي وروستو د ونډوبازارونه د تاوان سره مخ شوي. د هانګ کانګ د ونډو بازار څلور فیصدي پریوتی او د ټوکیو سټاک مارکیټ اته فیصده ښکته پریوتو وروستو کاروبار اودرولی. د امریکې سټاک مارکیټ د سحر په مقابله کې اوس څه لږ خه شوي.
د برطانیې دغه ریفرنډم د ګڼو هیوادونو کرنسي هم د اثر لاندې راوستې او د برطانېي پاونډ د کال ۱۹۸۵ وروستو په لومړي ځل دومره غورځیدلی او دبرطانې او یورپ کمپنو په اربونو ډالره باېللي. د جاپان کرنسي ین د کال ۲۰۱۳م راهسې په اول ځل د ډالر په مقابله کې پورته شوی. او د سرو زرو بیعې په اووه کاله کې تر ټولو زیاتې بره تللی. جنوبي کوریا هم په خپل هیواد کې یوه بیړنۍ غونډه کړی چې د اقتصادي تاوان لاره اونېسي.
د برطانېې مرکزي بینک ګورنر اعلان کړی دوي به مالي مارکیټونو ته د مرستې لپاره په اربونو ډالره ورکولو ته تیار دي او داچې د ضرورت په وخت به نور ګامونه هم پورته کوي.
د برطانيې ریفرنډم په نړیوال مارکیټ تر ټولو غټ اثرات:
- د برطانيې پاؤنډ ۱۱ فیصده غورزیدو سره ۱.۳۲ ډالره ته راپریوتی.
- د لندن (ایف ټي ایس اي هنډرډ) انډیکس ۸.۷ فیصده پریوتی.
- سره زر ۸.۱ فیصده اوچت شوی او د یو تولی سرو زرو بیعه۱۳۵۸.۵۴ سوا شوی.
- د امریکې صنعتي انډیکس ۴۰۰ پواېنټونه یا نکتې پریوتی.
- د کراچۍ سټاک انډیکس کی ایس اي هنډرډ انډیکس ۸۴۸ پوانټونه یا ۲.۲۲ فیصده غورزیدلی.
