لاس رسیدونکی لینک

Breaking News

کرونا وایرس نړۍ د اندازو نه زیات اقتصادي بحران سره مخ کړې


د ټولې نړۍ واړه او غټ کاروبارونه د کرونا وایرس د بد اثر نه بچ پاتې شوي نه دي. کرونا وایرس د نړۍ د یو شمېر ملکونو په شمول چین، سویلي کوریا،‌ اټلي، سپین او ایران نه یواځې د لویي انساني آفت سره مخ کړي،‌ د نړۍ اقتصادونه یې هم د نامعلومه اندازو پورې نقصان ښکار شوي.

د اقتصادي همکارۍ او پرمختیا نړیوالې ادارې Organization for Economic Co-operation and Developmentخبرداری ورکړی چې د کرونا خونړۍ وبا د اثراتو نه بېرته راوتو کې د کالونو پورې وخت لګي.

د ادارې مشر اینګل ګوریا ویلي د کرونا وایرس له کبله پېدا شوی د اقتصاد غیریقیني صورتحال د کال ۲۰۰۱ یوولسم ترهګر حملو او د کال ۲۰۰۸ نړیوال مالي بحران نه زیات وراخوا دی.

د بینک آف امریکا شمېرې ترمخه د امریکې د ۵۰۰ کمپنو انډیکس S&P500 د خپل آخري بره حد نه صرف په ۲۲ ورځو کې ۳۰ فیصده ښکته راپرویوتی. دا د امریکې په تاریخ کې اول ځل دی چې د هیواد سټاک مارکیټ دومره په تېزۍ سره ښکته پریوتی. د امریکې سټاک مارکیټ په دویم،‌ دریم او څلورم ځل ۳۰ فیصده په دویم،‌ دریم او څلورم ځل په تېزۍ سره په کال ۱۹۳۴،‌ ۱۹۳۱تم او کال ۱۹۲۹تم کې غورځېدلی وو.

د امریکې S&P 500 ځان له تېره هفته خواو شاه ۱۵ فیصده غورځېدلی وو چې په مجموعي توګه باندې ۳۲ فیصده غورځېدلی وو. د امریکې د ونډو بازارونو په رنګ د آسټریلیا،‌ ایشیا، یورپ، افریقې او سویلي امریکې ملکونو سټاک مارکېټونو کې د خلکو په کهربونو ډالره ډوبې شوي.

کرونا وایرس نه صرف د نړۍ په ملکونو کې اقتصادي‌ سرګرمۍ په مکمله توګه باندې ودرولي بلکه د ملکونو ترمنځ‌ د تجارت او کاروبارونو طلب او رسد یې متاثره کړی.د کرونا وایرس نقصاه د کال ۲۰۰۷-۰۸ مالي بحران نه هم وراخوا دی ځکه چې اوسني بحران د هر کور وس توان، کاروبارونه، مالیاتي‌ادارې او ټول مارکټونه ډېر سخت متاثره کړي.

د سلو نه زیات ملکونو د کرونا وایرس مخنیوي لپاره د بېلا بېلو ملکونو ترمنځ په سفر کولو بندیزونه لګولي.‌ امریکې د یورپ‌ زیاتره ملکونو ته په تګ راتګ بندیز لګولی. هم دغه شان یورپي ملکونو د خپل اتحاد نه بهر د مسافرو په تګ راتګ باندې د ۳۰ ورځو لپاره بندیز لګولی.‌ د پاکستان او سعودي عرب په شمول د نړۍ ګڼ شمېر نورو ملکونو هم په عارضي توګه باندې نړیوال پروازونه ځنډولي.ددې له وجې د مسافري جهازونو کمپنۍ د اربونو ډالره نقصان سره مخ شوي.

د امریکې د مسافري پروازونو د څار یو ادارې FlightAware ترمخه د امریکې د مسافري جهازونو لويي کمپنۍ امریکن اییرلاینز ګروپ تراوسه پورې ۴۴ فیصده پروازونه ځنډولي او د امریکې د مسافري جهازونو بلې لوي کمپنۍ ډیلټا اییرلاینز ۳۷ فیصده پروازه منسوخ کړي.

په نړۍ کې د ریسټورنټونو کاروبار هم ډېر متاثره شوی.‌ د بي بي سي د یو رپورټ ترمخه د تېر کال یو ورځې په نسبت دا وخت په برطانیه کې د ریسټورنټونو کاروبار ۸۲ فیصده،‌ امریکا کې ۸۴ فېصده،‌ جرمني کې ۹۰ فیصده او کینیډا کې ۹۴ راغورځېدلی.

XS
SM
MD
LG