لاس رسیدونکی لینک

تازه خبر

رويت هلال کميټي: پاکستان کې به لوی اختر په 10م جولايۍ نمانځل کيږي


د پاکستان مرکزي رويت هلال کمېټۍ اعلان کړی په ملک کې به لوی اختر په 10م جولايۍ [د اتوار/یکشنبې په ورځ] نمانځل کيږي. پرون په پېښور کې په قاسم علي خان جومات کې هم د میاشتې ليدو دپاره غونډه شوې خو هلته هم ويل شوي چې د میاشتې ليدو کوم شواهد نه دي ترلاسه شوي.

پرون د شورو/ چهارشنبې په ورځ [29 جون] په کراچۍ کې د مرکزي رویت هلال کمېټۍ د مشر مولانا عبدالخبير ازاد په مشرۍ د لوی اختر د مياشتې [ذي الحج] د لیدو دپاره غونډه شوې ده.

وروسته مولانا عبدالخبير ازاد ويلي، د ملک نه ورته د يو ځای نه هم د میاشتې ليدو کوم شواهد نه دي ترلاسه شوي ځکه د لوی اختر د میاشتې لومړۍ ورځ به د جولايۍ په لومړۍ نېټه وي.

هغه اعلان کړی چې په ملک کې به لوی اختر په لسم جولايۍ د اتوار په ورځ نمانځلی شي.

د پېښور د خان رازق پوليس چارواکو وي او اې ډیوه ته ويلي، چې په قاسم علي خان جومات کې د لوی اختر د مياشتې ليدو دپاره غونډه شوې خو د جومات کمېټۍ ویلي، چې د مياشتې ليدو کوم شواهد ورته نه دي ترلاسه شوي.

د قاسم علي خان جومات کمېټۍ د وي او اې ډيوه سره په شريک کړي خبر کې ویلي، چې د لوی اختر د مياشتې وړومبۍ ورځ به جمعه وي.

په پاکستان کې اکثره اخترونه په يوه ورځ نه نمانځل کيږي.

پاکستان کې سږ کال هم وړوکی اختر په پېښور او د خېبرپښتونخوا صوبې په ګڼو سيموکې يوه ورځ وړاندې او نور پاکستان کې په بله ورځ نمانځل شوی وو.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG