لاس رسیدونکی لینک

Breaking News

يورپين یونین اوکراین سره په نور امداد او په روس د نورو بندیزونو غور کوي


د پورپين یونین خارجه وزیرانو چې په برسلز کې اوکراین سره په کوم نور مجوزه امداد بحث وکړو ترمخه یې اوکراین ته وسلې د اخیستلو دپاره دوه اشاریه یو بېلین ډالر ورکېدلی شي

د يورپین یونین خارجه وزیران د ګل، دوشنبې، په ورځ خپله غونډه کې اوکراین سره په نور مالي امداد او په روس د نورو بندیزونو غور کوي او امریکې ژمنه کړې چې اوکراین سره به خپل امداد دوامداره ساتي په داسې مهال چې روس د اوکراين په بنیادي سهودلتون حملې کوي.

د پورپين یونین خارجه وزیرانو چې په برسلز کې اوکراین سره په کوم نور مجوزه امداد بحث وکړو ترمخه یې اوکراین ته وسلې د اخیستلو دپاره دوه اشاریه یو بېلین ډالر ورکېدلی شي.

د سږ کال د فېبرورۍ په میاشت کې په اوکراین د روس د یرغل په سر یورپين یونین په ځینو روسي تنانو او کمپنو اته ځله پابندۍ لګولي دي. د یورپي ملکونو د پابندیو په نهم پړاو کې به د روس د حکومتي چارواکو ترڅنګ د روس د دفاع او د بېنکونو او د صنعتونو برخې شاملې وي.

په برسلز کې د يورپي چارواکو د غونډې نه مخکې د امریکې صدر جوبایډن د اتوار، يکشنبې، په ورځ د اوکراین صدر ولادومېر زېلېنسکي او د ځینو نورو یورپي سره په ټېلې فون خبرې وکړې.

وایټ هاوس په یو بیان کې وویل چې صدر بایډن ژمنه وکړه چې اوکراین سره به د امنیت، اقتصاد او بشري امداد په برخه کې مرستو ته دوام ورکوي او د جرمونو او ظلومونو په د روس نه حساب اخلي او روس به د خپل جارحیت قیمت ادا کوي.

صدر زېلېنسکی وویل د اتوار، یکشنبې، په ورځ يې د ترک صدر رجپ طیب اردوان سره خبرې وکړې چې هغه معاهده په ځای وساتل شي چې ترمخه يې اوکراین د خپلو دریو بندرونو لارې غله برامد کوي.

د ګل، دوشنبې، په ورځ د یو اېن اېډ مشر مارټن ګرېفېتس د څلورو ورځو په سفر اوکراین ته ورسېدو. هغه به د روسي بمبارۍ له امله د بې کوره شویو خلکو د استوګنې مرکزونو او هغه پناه ځایونو ته هم ورځي چې د هغو کسانو دپاره جوړ کړی شوي چې د روسي بمبارۍ دلاسه يې په کورونو کې بجلي، اوبه او د کور د ګرمولو انتظام تباه شوی دی.

اقوام متحده په یو بیان کې وویل ګرېفېتس به په بنیادي سهولتونو د حملو اثراتو ته کتنه کوي په داسې حال کې چې په سیمه کې سخته یخني شروع شوې.

مطبوعاتي رپورټونه وايي روس د اکتوبر د میاشت راهسې د اوکراین د توانای په نظام حملې شروع کړي دي. صدر زېلېنسکي ویلي په شهري هدوفونو د روس حملې جنګي جرمونه دي. ماسکو وايي دغه جایز عسکري هدفونه دي.

صدر زېلېنسکي د اتوار، يکشنبې، په ورځ قام ته خپله روزانه وېنا کې وویل چې په جنوبي ښار اوډیسه کې بجلي په جزوي ډول بحال کړی شوي ده. د خالي، شنبې، په ورځ په ښار کې په دوو بجلي ګرو د روسي حملو وروسته یونیم مېلین خلکو دپاره بجلي منقطع شوي وه.

یادونه: د دې خبر معلومات د ای پي، روېټرز او ای اېف پي خبري ادارو نه اخیستل شوي دي

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG