لاس رسیدونکی لینک

تازه خبر

ګوادر کې په پاکستاني عسکرو برید کې 2 عسکر وژل شوي او 2 نور ژوبل شوي دي


File Photo
File Photo

د ګوادر د پوليس چارواکو په وينا دغه برید نن (مارچ 31مه) سهار د بلوچستان ګوادر ښار څخه شاوخوا 25 کلومیتره ليري پرته د سيجي غرونو کې د پاکستاني عسکرو د بمونو شنډولو په څانګه شوې.

د مکران ډويژن کمشنر سعيد عمراني و ډيوه ته وويلي: ٫٫ د سړک غاړې ته ايښودل شوی بم چاودنه کې دوه پوځي عسکر وژل شوي او دوه نور ټپي شوي دي، پېښه هغه وخت شوې چې کله د پاکستاني پوځي ځواک بم ډيسپوزل سکواډ د وانکره ډيم ته تلونکې لاره کې د ماين پاکۍ چارې تر سره کولې۔"

د پاکستان پوځ د رپورټ د جوړلو تر وخته د دې خبر په باب کوم دريځ مخې ته ندی راغلی او نه هم کومې وسلوالې ډلې د ياد بريد زمه وراي منلې ده.

خو د ګوادر په ګډون د بلوچستان په بلوڅ مېشتو سیمو کې پر سرکاري ودانيو، عسکرو او چينايي کمپنيو او کارمندانو باندې بېلا بېل بلوڅ بیلتون غوښتونکې ډلې د داسې پېښو زمه واري مني.

تېره ورځ (مارچ ۳۰مه) د بلوچستان په پښتون مېشته سیمه هرنايي او دوکۍ ضلعو په سرحدي سیمه وړیخه کې د ماړي پټروليم ګېس کمپنۍ پر کارمندانو بم چاودلی چې په نتيجه کې يې يو تن وژل شوی او 14 ټپي شوي وو. د دې بريد زمه واري بلوڅ بېلتون غوښتونکې ناقانونه ګرځول شوې ډلې بي ايل اې منلې ده.

ماړي پيټروليم د پاکستان د پوځ تر انتظام لاندې چلېدونکې کمپنۍ ده چې د ګېس او تيلو موندلو او را ايسلتو کار کوي.

پر پاکستاني پوځي او نيم پوځي عسکرو او ودانيو په نېږدي موده کې وسلوال بريدونو کې زياتوالی راغلی دی. د ماﺭچ پر 26مه د بلوچستان تربت کې د پاکستان د هوايي ځواک "نيول فورس" پر هوايي ډګر ډليز وسلوال بريد شوی وو.

په دغه برید کې د ايف سي ځواک دوه عسکر وژل شوي او د عسکرو په ځوابي ډزو کې څلور وسلوال وژل شوي وو. بلوڅ بېلتون غوښتونکې وسلوالې ډلې بلوچ لیبریشن ارمي مجيد بريګېډ د برید زمه واري منلې وه.

د مارچ پر شلمه د مکران ډویژن په گوادر ضلع کې د ګوادر پورټ اتھارټي د استوګنې په کمپلیکس هم حمله شوې وه. په دغه برید کې دوه عسکر وژل شوي او ځينې ټپيان شوي وو. د چارواکو په وينا په ځوابي ډزو کې يې اته وسلوال بريدګر وژلي وو. د دغې برید زمه واري هم د بي ايل اې تنظيم مجيد بريګېډ نومي ډلې منلې وه.

  • 16x9 Image

    حفیظ الله ستوری شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG