لاس رسیدونکی لینک

Breaking News

افغانستان په یو بېړني گام کې، له ایران سره پر هر راز تگ راتگ بندیز ولگاوه


د افغانستان د ملي امنیت شورا (د قامي سلامتیا شورا) نن د اتوار/یکشنبې په ورځ په یوه ناسته کې فېصله کړې چې له ایران سره د مسافرو تگ او راتگ دې، هم د ځمکې او هم د هوا له لارې بند شي. همدا شان له ایران او پاکستان څخه افغانستان ته د هگېو (انډو) او چرگانو په راوړلو هم پابندي لگول شوې ده.

د دې ترڅنگ، ترکي هم له ایران سره خپله گډه پوله تړلې ده. پاکستان بیا له ایران سره پر پوله د طبي معایناتو بیړني حفاظتي ګامونه اخیستي او ایران ته یې له بلوچستان د شیعه زیارت کوونکو تګ بند کړی دی.

د سیمې په هېوادونو کې پس له هغه اندېښنې راولاړې شوې چې کروناوایرس ایران ته ورسېد او هلته یې له امله کسان مړه شول. د تازه رپوټونو له مخې، د ایران د صحت چارواکو ویلي چې له پرون راهیسي، په ایران کې درې کسان د کروناوایرس له امله مړه شوي او د ناروغۍ ١٥ نوې پېښې مخې ته راغلي دي.

د دې رپوټونو وروسته، افغانستان له ایران سره د هوا او ځمکې له لارې تگ راتگ بند کړی دی. د افغانستان د ملي امنیت د شورا په یو رسمي بیان کې راغلي چې په ایران کې به د افغانستان قونسلي چارې هم محدودې کړل شي.

د افغانستان د ملي امنیت یا قامي سلامتیا شورا نن بېړنۍ غونډه وکړه
د افغانستان د ملي امنیت یا قامي سلامتیا شورا نن بېړنۍ غونډه وکړه

افغانستان همدا شان له ایران څخه غوښتي چې د افغان مهاجرو د واپس کولو لړۍ دې هم ودروي، ځکه دې سره د کروناوایرس د خپرېدو خطره شته.

افغان حکومت نن اعلان وکړ چې په افغانستان کې تر اوسه د کرونا واېرس ناروغۍ هېڅ کومه مثبته پیښه نشته.

د نړۍ په هغو ملکونو کې چې د کروناواېرس د خپرېدو رپوټونه ورکړل شوي، نو هلته د ماسکونو یا صحي نقابونو کمښت هم مخې ته راغلی دی. د افغانستان د ملي امنیت شورا فېصله کړې چې له افغانستان څخه نورو ملکونو ته دې د ماسکونو د قاچاق (سمېگلېنگ) مخه ونیول شي.

یاده دې وي چې د افغانستان د صحت وزارت، ایران سره ترڅنگ په هرات ولایت کې د کروناوایرس د درېیو مشکوکو پېښو خبر ورکړی دی.

د افغانستان د صحت چارواکي زیاتوي چې دا کسان تازه د ایران له قم ښار څخه افغانستان ته تللي وو چې د ستونې درد او تبه یې لرله. تر اوسه معلومه نه ده چې دغه وگړي په عادي موسمي بیمارۍ او که په کروناواېرس اخته شوي دي.

  • 16x9 Image

    احمد فؤاد لامع

    احمد فؤاد لامع د ٢٠٠٧ کال راهیسې له امریکا غږ سره کار کوي او د ‏ژورنالیزم په ډگر کې د ۲۰۰۲ راهېسي تجربه لري. هغه مخکې تر دې، په کابل کې د لمر ټلیویژن د پښتو خبرونو مسئول، د طلوع ټلیویژن د خبري خپرونې کوربه، او وړاندې تر هغه، د افغانستان په ملي ټلویژن کې خبریال و.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG