لاس رسیدونکی لینک

Breaking News

په مردان کې يوه ښځه او سړی د غېرت په نوم وژل شوي


د خېبرپښتونخوا مردان ضلعې پوليس وايي په بکري بانډه سيمه کې يو تن خپله ورندار او د تره زوۍ د غېرت په نامه وژلي دي.

دغه ملزم لا هم نيول شوی نه دی خو پلار د خپل زوی پر ضد مقدمه هم درج کړې ده.

د ښځو د حقونو لپاره مبارزه کوونکي غوښتنه کوي چې بايد رياست دغه مقدمې په خپل مدعيت کې درج کړي ځکه چې د کورنيو ترمنځ روغه جوړه دا معامله پټه کړي او ملزم ته سزا نه ورکول کېږي.

په پېښور کې د ښځو د حقونو مبارزه کوونکې صايمه منېر وي او اې ډيوه ته وويل چې پلار زوی وبخښې، معامله ختمه شي نو داسې د دې پېښو مخنيوی نه شي کېدی.

د پاکستان پارليمان د ښځو د حقونو خوندي ساتلو لپاره له هغې وروستو يو قانون هم منظور کړی چې کله په ټولنيزو رسنيو مشهوره قنديل بلوچ خپل ورور وژلې وه. په دغه قانون کې د ملزم لپاره ۲۵ کاله قيد لازمي ګرځول شوي وو. د دې ترڅنګ د دې قانون لاندې د غېرت په نوم د وژنو په پېښو کې به رياست د ملزمانو په ضد مقدمه درج کوي.

هم دا قانون وايي، دا رنګ مقدمې به د درې نه تر شپږو مياشتو موده کې سر ته رسول کېږي خو د مردان سيمې سره تعلق لرونکی قانون پوه اکبرهوتي وايي چې د کمزورو پلټنو له کبله دا مقدمې سمې نه فېصله کېږي هم د دې کمزورو پلټنو له امله کلک او سم واقعاتي ثبوتونه مخې ته رانه شي او ملزم ته سزا نه ورکول کېږي.

په پاکستان کې د بشري حقونو کمېشن وايي، د کال ۲۰۱۶ نه تر 2018 موده کې شاوخوا ۱۵۰۰ کسان د عزت او غېرت په نوم وژل شوي خو بل اړخ ته د بشري حقونو بل سازمان هيومن رايټس واچ وايي، په پاکستان کې هر کال د ۸۰۰ نه تر ۱۰۰۰ د غېرت په نوم د وژنو پېښې کېږي خو زياتره پېښې په ميډيا کې نه رپورټ کېږي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG