هندي چارواکو ویلي په اسام ایالت کې د زهرجنو شرابو څښلو له کبله ۸۴ تنه مړه شوي او ۲۰۰ نور روغتون ته لیږل شوي. د چارواکو تر مخه په دغو کې ګڼو نور حالت هم مرګونی دی.
یو ځايي ډاکټر رتول بوردولیو ای اېف پي خبري ادارې ته ویلي ٫٫ هسپتال ته راغلي خلکو ولټۍ (باقۍ) کولې، په ساه اخستو کې يې تکلیف وو اوپه سينه کې يې سخت درد وو.٬٬ د دغه پېښې له امله په روغتون کې بېړنی حالت هم اعلان شوی.
د اسام ایالت د صحت وزیر ویلي د نژدیو سیمو نه هم ډاکټران او صححي کارکونکي دغه روغتون ته رابلل شوي چې د ژوبلو مرسته وکړي. په ژوبلو کې زیات تره د چایو په فارمونو کې کارکونکي مزدوران دي.
د پېښې وروسته پولیسو پلټنې پېل کړي او یو شمیر تنان یې نیولي هم دي.
په هندوستان کې هر کال په سوونو تنان د ارزان بېعه او په غیر قانوني توګه جوړیدونکي شرابو له امله خپل ژوند د لاسه ورکوي. دوه اونۍ وړاندې هم په شمالي هندوستان کې د زهرجنو شرابو څښلو له امله ۱۰۰ تنه مړه شوي وو.