د هندوستان یو وتلې ورځپاڼه هندوستان ټایمز وايي د هیواد هوايي ځواکونو یو چارواکی د پاکستان پوځي استخباراتي ادارې ايي ایس ايي سره پټ معلومات شریکولو په تورنیولی شوی.
هندي میډیا د نوي ډیلي خصوصي کمشنر ایم ایم اوبرای ترمخه ویلي ۵۱-کلن ګروپ کیپټن ارون مرواها په ښکاره توګه په بدله جامه کې ایجنټانو ته دفاعی معلومات ورکړي.
دغه افسرهغه وخت ونیول شو کله چې هغه د ځان سره په یو داسې ځاې کې موبایل فون ګرځوو چرته چې د دې د استعمال اجازت نشته.
د هند یو بلې ورځپاڼې انډیا ټوډی په خپل رپورټ کې ویلي دغه چارواکی د هند هوايي ځواکونود جنورۍ په ۳۱تمه نېټه نیولی او د تېر زیارت په ورځ هغه وخت پولیسو ته ورکړل شو کله چې د یوې پلټنې وروستو دغه تن په جرم کې ککړ وموندل شو.
د هندوستان ټایمز ورځپاڼې ترمخه پولیسو ته د پیسو د انتقال کوم ثبوتونه ترلاسه شوي نه دي او داچې تورن افسر په موبایل د جنسې پیغامونو په بدل کې پټ معلومات لیګل.
ورځپاڼې د یو پلټنه کوونکې افسر د خولې ویلي چې دوي د تورن افسرد موبایل فون نه د اعتراض وړ خبرې او تصویرونه ترلاسه کړي.پاکستان او هندوستان اکثر په یو بل باندې د جاسوسۍ تورونه پورې کوې او دواړه هیوادونو د جاسوسۍ په تورد یو بل ګڼ شمېر خلک نیولي.
ددې وړاندې پاکستان د هند یو وګړی کلبوشن یادیو په کال ۲۰۱۶ کې د جاسوسۍ په تور د بلوچستان ایالت نه نیولی وو کلبوشن په یو وروستۍ مرکه کې ویلي چې هغه د هند د سمندري ځواکونو یا نیوي حاضر سروس ملازم دی. خو د هندوستان خارجه چارو وزارت وايي کلبوشن د نیوي یو پخوانی ملازم وو او داچې د نوموړي نه وروستی بیان په زور اخستی شوی.
