د هند وزیر اعظم نرینددرا مودي په متحده قامونو غږ کړی چې د یوشتمې پېړۍ د حقیقتونو او د اهمو اوازونو د نمایندګی باوري کولو په خاطر دې اصلاحات وکړي.
د هند خبري ایجنسی پرېس ټرسټ اف انډیا سره د اتوار په ورځ د مرکې په وخت د هند وزیراعظم څوک چې به راتلونکې اوونۍ د نړۍ د شلو مالدارو هېوادونو د غونډې کوربه وي، وویل “په یوشتمې پېړی کې د شلمې پېړی د مینځنی مودې سوچ سره د نړۍ خدمت نشي کېدی”
نریندرا مودي چې دا وخت د نړۍ د یو غوره هېواد مشر دی او په سلامتي کونسل کې د مستقل غړیتوب خواهشمند دی، غواړي د هند حیثیت او مقصد په وړاندې بوځي او د غیر پائیداره قرضونو رعایت لپاره د ستمبر په نهمه نېټه د پېلیدونکي G20 غونډې سټیج وکاروي.
نوموړي د مرکې په وخت په G20 تنظیم کې د افریقايي یونین د مستقل غړي جوړېدلو کلکه مرسته کړی.
په دوه ورځنی غونډه کې به د امریکا د صدر جوبایډن نه واخله تر فرانسوي صدر ایمنیول مېکرون، د جرمن چانسلر اولاف شولز او د سعودي عرب شهزاده محمد بن سلمان غوندې د لوړې کچې مېلمانه ولیدی شي.
مودي وايي نړیوالو ادارو له بدلیدونکو حقیقتونو او لمړیتوبونو ته د بیا کتنې ضرورت دی، هغه زیاته کړه دا په سخته باوري کول دي چې اوازونو دې ځای ورکړی شي.
په هند کې د G 20 کېدونکې غونډه د دریمې نړی د هېوادونو د اعتماد د پاره د بزغلي حیثیت لري.
دوه اویا کلن مودي د مرکې په وخت وویل چې هند ته د شلو مالداره هېوادونو کوربه توب ورکول د تسلیمول دي چې د یو هېواد د ګرانی ضد پالېسی بل هېواد نشي ځپلی.
ګرانی په هند کې یوشمېر غریب خلک ځپلي دي . د رایټرز په یوې سروی کې اقتصاد پوهانو په راتلونکو دریو میاشتو کې د نورې زیاتې ګرانی اټکل کړی او لږ تر لږه تر اکتوبر اخیره پورې د هېواد د مرکزي بنک د شپږ فیصده اندازې نه یې هم د زیاتو بیعو لوړېدو اټکل کړی دی.
مودي د انټرنېټي جرمونو خلاف په عالمي جنګ کې په مرسته کولو زور راوړی او ویلي یې دي ترهګر د ناوړه مقصدونو لپاره د ډارک نیټ، مېټاورس او کرېپټو کرنسي کارولی شي چې د قامونو په سماجي ژوند به بد اثرات وکړي.
یادونه: د دې خبر معلومات د روېټرز خبري ادارې نه اخیستل شوي دي
Forum