د هندوستان په مهاراشټره ریاست کې د یوې کورنۍ د ۲۵ غړو د کرونا وایرس ټېسټونه مثبت موندل شوي دي. دا خبر پرېس ټرسټ اف انډیا نومې خبري ادارې ورکړی دی.
د رپورټ ترمخه اول د کورنۍ په هغه څلورو غړو کې کرونا موندل شوی و چې سعودي عرب ته تللي وو او بیا د خاندان به ۲۱ نورو غړو کې دغه ناروغي وموندل شوه.
هندي چارواکي وايي کرونا وایرس ځکه هم په کورنۍ کې په چټکتیه خپرو شو چې د یو بل سره ډیر نژدې پاتې کېدل. ماهرین وايي کرونا د خورېدو یو لاره دا هم ده چې د وایرس مریض دې په نتهايي کې د نورو خلکو نه بیل ورځې شپې تېرې کړي.
د سیمې یو حکومتي چارواکي ابهي جیت چودهدري پرېس ترسټ اف انډیا خبري ادارې ته وویل چې دغه کورنۍ په یو تنګ کور کې اوسېدل نو ځکه کرونا ووهل.
د هندي چارواکو په وینا د کورنۍ څلور غړي په داسې وخت کې سعودي عرب نه د ممبۍ په هوايی اډه ستانه شوي وو چې د کرونا معاینه په هوايي اډه لا نه وه شروع شوي.
د امریکې د جانز هاپکنز یونیورسټۍ ترمخه په هندوستان کې د کرونا وایرس ۱۰۷۱ کېسونه رپورټ شوي دي.
په هندوستان کې د کرونا وایرس د مخنیوي په خاطر د ۲۱ ورځو لاک ډاون شروع کړی شوی دی.
د هندوستان وزیراعظم ندره مودي په لاک ډاون بخښنه غوښتي خو ویلي یې دي چې دا د "ژوند او مرګ جنګ دی."
