لاس رسیدونکی لینک

Breaking News

انډونیشیا: په لومبوک جزیره کې زلزلې ۸۲ کسان وژلي


د انډونیشیا په لومبوک جزیره یا ټاپو کې یوې زورورې زلزلې لږ تر لږه ۸۲ کسان وژلي دي.

زلزله د لومبوک ټاپو تر څنګ د بالي سیمه هم جړقولې او د زلزلې ورستو د سمندري طوفان یا سونامي خبرداري ځایي خلک او بهرني سیلګري په خپلو کورنو او کوټو پریښودلو مجبوره کړي دي.

د امریکا جیالوجیکل سروی تر مخه د اتوار یا یکشنبې په ورځ راغلې زلزلې زور ۷.۰ وو او مرکز يې د مزکې ۱۰.۵ کلومیټره دننه وو.

د انډونیشیا چارواکو په زلزله کې د مړو او ژوبلو د شمېرې سېوا کېدو ويلي دي.

د زلزلې وروسته د خواوشا سېمو بجلي قطع شوې او د نژدې روغتونونو (هسپتالونو) نه مریضان نورو برخو ته لیږل شوي.

د لومبوک ټاپو سره نژدې د سومباوا یو اوسیدونکي موتایا اریاني وي او ای ته د ټیلیفون په لار ویلي: ٫٫ د زلزلې په وخت زیات تره خلک په جوماتونو کې وو. خلک د جومات نه بهر ښکاره میدانونوته تښتیدلي. مونږ لا څو ورځې وړاندې راغلی زلزلې د ویرې نه یو وتلي چې دا یوه بله راغله.

تیره اونۍ هم په لومبوک ټاپو کې د ۶.۴ مېګنیچیوډ زورورې زلزلې ۱۶ تنه وژلي وو. د انډونیشیا بالي په شان لومبوک جزیره هم د ښاېسته غرونو او سمندر غاړو (بیچز) لپاره پیژندل کیږي.

اڼدونیشیا د زیاتو زلزلو لپاره مشهوره ده. د کال ۲۰۰۴م دسمبر په میاشت کې د انډونیشیا په سماټرا جزیره کې د ۹.۱ طاقت یوې زلزلې وروسته سمندري طوفان یا سونامي راغلې وه چې په شاوخوا هېوادونو کې يې دوه لاکه ۳۰زره کسان وژلي وو.

XS
SM
MD
LG