ایران د زیارت، پنجشنبې، په ورځ د یورپين پارلېمنټ د هغه قرارداد مخالفت وکړو چې پاسداران انقلاب ځواکونه ترهګر بللي شوي دي.
د ایران خارجه وزارت وویل د يورپین یونین د خارجه چارو مشر جوزف بورېل سره په ټېلې فون خبرو کې د ایران خارجه وزیر حسین عبداللهیان د يورپين یونین قرارداد غلط او نامناسب وبللو.
یورپين پارلېمنټ د شورو، چهارشنبې، په ورځ په ایران کې د احتجاج کونکو خلاف د پاسداران انقلاب د اقداماتو او روس ته د ایران د ډرون جهازونو ورکولو غندنه وکړه. ایران روس ته د ډرون ورکولو خبره ردوي.
په ايران کې د سېپټمبر په میاشت کې د مېرمن مهسا امیني د پولیس پو ولکه کې د مرګ په سر احتجاجونه راپارېدلي وو.
د انساني حقونو نتظیمونه وايي د ایران امنیتي ځواکونو د حکومت په ضد مظاهرو د خاموشه کولو په لړ کې د انساني حقونو خلاف ورزۍ کړي، د حکومت په مخالفینو تشدد شوی، نیول شوي او په احتجاجونو کې په لسګون وژل شوي هم دي. ایران دغه تشویش ردوي، وايي د ایران مغربي مخالفینو اړي ګړي ته لمن وهله.
د مظاهرینو خلاف د ایران د اقداماتو په سر د امریکې په شمول یو شمېر مغربي ملکونو د ایران د حکومت په ضد پابندۍ هم لګولي دي.
توقع ده چې د یورپين یونین خارجه وزیران به اینده هفته په ایران د نوو بندیزونو په موضع غور کوي.
یادونه: د دې خبر معلومات د ای اېف پي او روېټرز خبري ادارې نه اخیستل شوي دي
