ايران د هيليکاپټر په پېښه کې د صدر ابراهيم رېيسي او هغه سره نورو په مړينه د پينځو ورځو ماتم اعلان کړی خو ګڼو ايرانيانو بيا په ملک کې دننه، بهر او ټولنيزو رسنیو په دغه پېښه خوشالۍ کړي او ميټایانې یې وېشلي دي.
63 کلن ریيسي چې د هيليکاپټر په پېښه کې مړ شوی، مخالفين یې هغه د ايران سخت دريځه اسلام پاله حکومت کې د څارنوال په توګه دنده باندې سختې نيوکې کوي چې هغه په 1988 کې د سياسي مخالفينو د قتل عام حکم کړی او بيا یې د صدارت په وخت کې د ښځو د حقونو د غورځنګ پرضد قوت کارولی کوم چې په 2022م کې پیل شوی او تر 2023م پورې روان وو.
د وي او اې فارسۍ څانګې ته ځینې داسې ويډيوز ترلاسه شوي چې باوري ګڼل کيږي، پکې ګڼ خلک ليدل کيږي چې د رېيسي په مړينه مټايانې او چاکلېټونه وېشي.
يوه ويډيو چې د وي او اې فارسۍ ټي وي کوربه مسيح علي نجد ته لېږل شوې او په ټولنيزو رسنيو خپره کړل شوې، په پټ مخ ښځه پکې ليدل کيږي په عام پارک کې ګرځي خلکو ته خواږه کېکونه يا پيسټريانې ورکوي.
دوی يو بل سره د شيرينۍ وېشلو په اړه خبرې هم کوي، خاندي چې په څه خوشالۍ کې دغه وېشي، بيا بله ورته وايي، دوی دواړه په دې خبر دي، په ظاهره دوی د رېيسي مړینې ته اشاره کوي.
وي او اې په ازاده توګه په ويډيوز کې د خوشالۍ د حالاتو تاييد نه شي کولی ځکه په ايران کې دننه پرې بنديز دی.
خو د ايران نه بهر د يورپي هيوادونو په غټو ښارونو کې بيا دغه خوشالۍ په ښکاره نمانځل شوي دي.
د دغو خوشالو نمانځلو ويډيوز په ټولنيزو رسنيو خپرې کړل شوي او د وي او اې فارسۍ څانګې سره شريکې کړل شوي، ايرانيان په لندن، کوپين ښېګن، دې هېګ او هېمبرګ کې په موسيقي نڅا کوي.
د ايران د حکومت ناقدينو د هيلي کاپټر او کټلېټ يا د وريتې کړل شوې غوښې د ټکړې د تورو څخه د فارسۍ ګډ توری " هيلي کټليټ" هېش ټېګ جوړ کړی، په ریيسي او د هغه په اتحاديانو باندې یې طنز او ټوقې جوړې کړي دي.
ایراني چارواکي واي خاورو ته د ابراهیم رییسي خاورو د سپارلو مراسم به د پنجشنبې- زیارت په ورځ په مشهد ښار کې ترسره شي.
په ایران کې د اسلام پاله حکومت ګڼو ايرانيانو مخالفينو په کال 2020م کې په بغداد کې په ډرون بريد کې د وژل شوي قاسم سلېماني په وژنه هم خوشالۍ نمانځلې او هغه ته یې هم کټليټ ويلي وو.
د ايران د سايبر پوليسو مشر د ګل/دوشنبې په ورځ خبرداری ورکړی چې په ټولنيزو رسنیو دغه ډول پوسټونه په غور څاري، او خلکو ته یې مشوره ورکړې د دغه ډول پوسټونو دې ډډه وکړي کوم چې د خلکو جذبات راپاروي.
Forum