لاس رسیدونکی لینک

تازه خبر

د خېبرپښتونخوا حکومت په قبایلي ضلعو کې اعلا عدالتونه اعلان کړل


 پېښور هاي کورټ
پېښور هاي کورټ

د خېبر پښتونخوا حکومت قبایلي ضلعو ته عدالتي نظام د غځوولو لپاره په هره قبایلي ضلع کې د ډسټرکټ اینډ سیشنز کورټ یا ضلعې عدالت د قایمولو اعلان کړی دی.

د خېبر پښتونخوا د کورنیو او قبایلي چارو محکمې د وروستۍ اعلامیې خپرولو سره به په قبایلي ضلعو کې د (زېلی) ښکته عدالتو پرځای کولو لپاره لاره هواره شي. د اعلامیې ترمخه نیمې قبایلي سیمې یا پخوانۍ د ایف ار علاقې به د نژدې قبایلي ضلعي عدالت د اختیار د لاندې راځي.

د پېښور هايي کورټ رجسټرار وجیح الدین خبریالانو ته وویل اعلا عدالت صوبايي حکومت ته د تېرکال جولاي میاشت کې یو سمري لیږلې وه چې قبایلي ضلعو کې ډسټرکټ اینډ سیشنز کورټس یا ضلعي عدالتونه پرځای کړي. نوموړي وویل د دې بغیر هاي کورټ په قبایلي سیمو کې د ضلعي قاضیانو ټاکنه نه شي کولی.

وجیح الدین وویل د ضلعي عدالتونو پرځای کولو سره دوی تیار دي چې قبایلي ضلعو ته ماتحت عدالتونه وغځوي.

ددې وړاندې د پېښور هاي کورټ د یو وکیل علي عظیم افریدي په درخواست ب صوباي حکومت ته حکم کړی و چې په یو میاشت کې دننه په قبایلي ضلعو کې ماتحت عدالتونه پرځای کړي خو صوباي حکومت د پېښور هايي کورټ دغه فیصله په سپریم کورټ کې چیلنج کړه. وروسته سپریم کورټ صوباي حکومت ته په قبایلي ضلعو کې د ماتحت عدالتونو پرځای کولو لپاره د شپږو میاشتو وخت ورکړو.

د پېښور هايي کورټ وکیل علي عظیم افریدي ډیوه ریډیو ته وویل په نویو قبایلي ضلعو کې د ضلعي عدالتونو اعلانولو سره په دغه سیمو کې د انتظامي افسرانو عدالتي واک اختیار ختم شو. نوموړي وویل اوس به د یوې پېښې په اړه ایف آي آر درج کوونکی افسر د مقدمې په سر د فېصلې ورکولو اختیار نه لري او انتظامي افسر به ایف آي آر درج کولی شي خو د سزا ورکولو اختیار به نه لري.

علي عظیم وویل عدلیه به اوس د انتظامي افسر د اختیاراتو نګراني کوي.

د پېښور هاي کورټ د صوباي حکومت نه غوښتنه کړې چې په اووه قبایلي ضلعو کې د ۵۲ عدالتي افسرانو ضرورت دی چې پکې په هره ضلع کې یو سیشنز جج، ۱۴ ایډیشنل ډسټرکټ اینډ سیشنز ججان، اووه سینیر سول ججان او ۲۴ سول ججان شامل دي.

ځانګړې ویډیوګانې

پيوټن د نورو شپږو کلونو دپاره د روس صدر منتخب شو
please wait

No media source currently available

0:00 0:02:55 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG