لاس رسیدونکی لینک

Breaking News

نېټو او پورپین یونین وايي اوکراین سره به نوره پوځي مرسته کوي


په برسلز کې د یوې غونډې وروسته د وانډرلایېن او د يورپين یونین د صدر چارلز میشېل ترڅنګ د نېټو سېکرېټري جنرل ینس سټالټنبرګ هم خبریالانو سره خبرې کولې او په دې موقع یې د امریکې، جرمني او د فرانس د دې ارادې هرکلی وکړو چې اوکراین ته به نوي بکتر بند موټرې ورکوي

د نېټو پوځي اتحاد او د یورپي ملکونو اتحاد یورپين یونین مشرانو ویلي اوکراین سره ته نوره وسله ورکوي چې پکې په د هوايي دفاع جدید نظام او نور پوځي ساز او سامان شامل وي.

د يورپین یونین صدرې اورسوله وانډرلایېن د نهي، سه شنبې، په ورځ خبریالانو ته وویل هغه ګڼي پکاره ده چې اوکراین هغه ټول پوځي الات ترلاسه کړي چې د خپلې دفاع دپاره ورته ضرورت لري.

هغې زیاته کړه چې د اوکراین عسکري ضرورتونه پوره کول ځکه هم ضروري دي چې اوکراین د متحده قومونو د منشور د اصولو، د بنیادي حقونو او د نړیوال قانون دفاع هم کوي.

په برسلز کې د یوې غونډې وروسته د وانډرلایېن او د يورپين یونین د صدر چارلز میشېل ترڅنګ د نېټو سېکرېټري جنرل ینس سټالټنبرګ هم خبریالانو سره خبرې کولې او په دې موقع یې د امریکې، جرمني او د فرانس د دې ارادې هرکلی وکړو چې اوکراین ته به نوي بکتر بند موټرې ورکوي.

هغه په دې خبره هم ټینګار وکړو چې د اوکراین د پوځ په تربیه، د پوځي سازاو سامان په مرمت او د هغه وسلې دپاره د ګوله باردو خیال دې هم وساتل شي چې مغربي اتحادیانو اوکراین ته ورکړې ده.

سټالټنبرګ وویل د نېټو او یورپين یونین اتحادیانو خپلې ذخیرې ختمې کړې خو د اوکراین مرسته يې کړه ده ځکه چې داسې کول سم کار دی، د يورپي ملکونو د امنیت خبره هم ده.

سټالټنبرګ وویل که څه هم د اوکراین ځواکونو روسي پوځ ته زیانونه اړولي دي خو روس کمزور نه دي ګڼل پکار او صدر ولاديمیر پوتین په اوکراین د یرغل په اړه په خپل مجموعي مقصد کې څه بدلون نه دی ښکاره کړی.

هغه وویل د ماسکو حکومت ګاونډي ملکونه په خپل تسلط کې ساتل غواړي او جمهوریت او ازادي د ځان دپاره خطر ګڼي. هغه لوظ وکړو چې اوکراین سره ملاتړ به نور زیاتوي.

د نېټو او يورپین یونین د رهبرانو په دې تازه بیانو د ماسکو دریځ لا مخې ته نه و راغلی. روس اوکراین سره د امریکې په شمول د نورو مغربي ملکونو د مرستو مخالفت کوي.

یادونه: د دې خبرمعلومات د وي او ای په وېب پاڼه د هغه رپورټ نه اخیستل شوي چې ځینې تفصیل یې د ای پي، روېټرز او د ای اېف پي د رپورټونو نه اخیستل شوی دی

هېلو وي او اې په ټي وي

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG