د ريپبلېکن پارټۍ نهو غړو د امریکې د کانګرس د هاوس اف رېپرېزېنټېټیوز د سپیکر د چوکۍ دپاره په انتخاب کې د شاملېدو اعلان کړی دی.
د ایوان نمایندګان سپیکر عهده د ريپبلېکن پارټۍ د کېون مېکارتي د لرې کېدو په نتیجه کې د تیرو دریو هفتو راهیسې خالي پرته ده.
ريپبلېکن ګوند د تیرو دریو هفتو راهسې د پرله پسې کوښښونو باوجود بل سپیکر په منتخب کولو کې نه دی کامیاب شوی.
ريپبلکن ګوند دا وخت په ایوان نمایندګان کې د ډېرو لږو غړو سره اکثریت لري او د سپیکر د انتخاب د پاره ورته د څلورو ووټونو د اکثریت ضرورت دی خو د ګوند دننه د اختلافونو له وجې دغه ووټونه هم نشي ګټلې.
د ریپبلکن ګوند نهه غړي وايی چې د ګوند د ګل، دوشنبې، په ماښام غونډه کې به دلایل ورکوي چې دويي د سپیکر د چوکۍ دپاره الېکشن ګټلی شي.
څېړونکي وايی د سپیکر په انتخاب کې د ناکامۍ او د دې په نتیجه کې په هاوس کې د ګډوډۍ له امله نه خو څه قانون سازي شوي او نه هم داسې څه قرارداد منظور شوی چې په کې په اووم اکتوبر په اسرایل د حماس د حملې په لړ کې د اسرایل سره د یوالي اظمار شوي وي.
Forum