لاس رسیدونکی لینک

Breaking News

د "ازادي مارچ" تازه حال شېبه په شېبه

په اسلام اباد کې د حکومت مخالف سیاسي گوندونو "ازادي مارچ" نومې احتجاج دوام لري. په دې اړه د حکومت او د حزب اختلاف تازه دریځونه او نور حال دلته لوستلی شئ


11:33

د پاکستان د کورنيو چارو وزیر اعجاز شاه ويلي په اسلام اباد کې د مولانا فضل الرحمان ازادي مارچ ته يې د اوبو، رڼا او طب اسانتياوې برابر کړي دي.

د ځايي ميډیا ترمخه د کورنيو چارو وزیر ويلي، مولانا ته په اسلام اباد کې دومره مينه ورکوؤ چې هغه د وزيراعظم د استعفی خبره هېره کړي.

هغه ويلي مولانا فضل الرحمان د اسلام اباد نه زر تلو والا نه دی هغه ته اسانتیاوې ورکولی شي او هغه به په اسلام اباد کې هم دغه رنګ ساتلی شي.

د تحريک د انصاف د حکومت پرضد د مخالفه ګوندونو په ملاتړ د مولانا فضل الرحمان د ازادي مارچ احتجاجي ناسته په ۱۲م ورځ په اسلام اباد کې دوام لري.

د ازادي مارچ د لارې غوښتنه کيږي چې وزيراعظم عمران خان دې استعفی ورکړی او بيا د سر نه دې انتخابات وشي.

د حکومت او احتجاج کوونکو ترمنځ مذاکرت هم شوي خو کوم پرمختګ پکې نه دی شوی.

مولانا فضل الرحمان د وزيراعظم عمران خان په استعفی ټینګ ولاړ دی عمران خان او حکومت يې وايي استعفی نه ورکوي په نورو خبرو کې مذاکراتو ته تيار دي.

08:59

مولانا فضل الرحمان د پاکستان تحریک انصاف حکومت ته ناجایزه ويلي او زياته کړې يې ده د چا پلار به هم پرې دا جايز ونه مني.

په اسلام اباد کې د مخالفه ګوندونو په ملاتړ د تحریک انصاف د حکومت پرضد د ازادي مارچ د احتجاج ګډون والو ته په وېنا کې مولانا فضل الرحمان وويل، اوس وخت راغلی چې د دغو واکمنو سره حساب کتاب وشي.

هغه وويل د دې ناجایزه حکومت نه به ځان خلاصوي او هغه دې کار ته د ایمان تقاضا ويلي دي. هغه ويلي داسې واکمن راتلل د خدای پاک د عذاب نه کم نه دي.

مولانا زياته کړې دوی د ائين، قانون ، جمهوريت او اصولو دپاره جنګيږي او د ټولو مخالفه ګوندونو سره مشوره کوي.

هغه وويل په حکومت نور فشار سېوا کوي او د ناجايزه واکمنو نه د خلاصي پورې به دا جګړه روانه ساتي.

په اسلام اباد کې د ازادي مارچ احتجاجي ناسته په ۱۲م ورځ دوام لري.

د ازادي مارچ د لارې غوښتنه کيږي چې وزيراعظم عمران خان دې استعفی ورکړی او بيا د سر نه دې انتخابات وشي.

د حکومت او احتجاج کوونکو ترمنځ مذاکرات هم شوي خو کوم پرمختګ پکې نه دی شوی.

16:34 11.11.2019
مولانا فضل الرحمان او محمود خان اڅکزی
مولانا فضل الرحمان او محمود خان اڅکزی

د حکومت خلاف د جمیعت علما اسلام (ف) په مشرۍ کې "ازادي مارچ" احتجاج په موقع د جمیعت د مشرانو یوه غونډه په اسلام اباد کې روانه ده او پکې د اهمو فیصلو امکان دی. دا خبره د پاکستان ډان ورځپاڼې په خپل تازه رپورټ کې کړې ده.

ډان د سرچینو له قوله وویل د گل، دوشنبې، په ورځ د جمیعت د مشر مولانا فضل الرحمان په کور کې روانې غونډې کې به د احتجاج د اینده په اړه صلاح مشورې کولی شي.

ډان د سرچینو په قوله وویل د مارچ مشران به د احتجاج په "پلان بي" یا د احتجاج په دویمه لار هم غور کوي چې پکې د لویو لارو او کاروبارونو بندیدل شامل دي.

مولانا فضل الرحمان د وزیراعظم عمران خان د مستعفی کېدو او د نوو عامو انتخاباتو دپاره د حکومت خلاف د "ازادي مارچ" نومې احتجاج پېل کړی دی.

عمران خان د استعفا ورکولو خبره رد کړې ده او حکومت یې ویلي د حزب اختلاف سره په نورو مسلو خبرو ته تیار دی.

خو د جمیعت علما اسلام (ف) مشر مولانا فضل الرحمان ویلي استعفا نه علاوه بله کومه لاره به نه مني.

09:45 11.11.2019

په اسلام اباد کې د تحریک انصاف د حکومت پرضد د مخالفه ګوندونو په ملاتړ د مولانا فضل الرحمان د ازادي مارچ احتجاج په ۱۱ ورځ دوام لري.

مولانا فضل الرحمان وايي،"د دې موجوده واکمنو نه مني او د اولس غوښتنه او واکمني به مني د حکومت پرضد به د دوی جګړا روانه وي او نه به په شا کيږي او ټول سياسي ګوندونه ورسره په رابه کې دي او د راتلونکې تګلاره جوړوي".

په اسلام اباد کې د ازادي مارچ احتجاجي ناستې ته په وېنا کې نوموړي وويل، د خلکو خيال ؤ چې د دې حکومت پرضد څوک خبره نه شي کولی ځکه چې د هغه په وېنا د خلکو په خيال د دې حکومت پرضد غټ غټ قوتونه دي.

خو وې ويل "مونږ د دوی غرور په خاورو کې خاورو کړو".

مولانا زياته کړه "د پاکستان پېژندګلو نظريه، ائين اوجمهوريت دی، او چا ته اجازت نه ورکوؤ چې د دې سره لوبې وکړي".

هغه وويل "دې حکومت د ملک معيشيت برباد کړو، قبايلي سيمې په خېبرپښتونخوا کې ورګډې کړی شوې، ويل شوي وو چې قبايلي سيمو ته به هر کال ۱۰۰ اربه روپۍ ورکوؤ او لس کاله به دا روپۍ ورکولی شي خو تر ننه پورې دغې سيمې ته يوه پېسه ورنه کړی شوه او په اېن اېف سي کې دوی ته برخه ور نه کړی شوه".

هغه وويل په تېر حکومت کې په صوبو کې د بېلابيلو ګوندونو حکومتونه وو "خو نن په دې درې صوبو کې ستا (د تحریک انصاف) حکومتونه دي په اېن اېف سي قبايلي سیمو ته برخه ولې نه ورکوې".

ازادي مارچ ته د محمود خان اڅکزي وېنا

د پښتونخوا ملي عوامي ګوند مشر محمود خان اڅکزی وايي، "دوی ته د رياست مخالف ويل کیږي خو د دوي مشرانو کله د مورنۍ خاروې سره کله بې وفايي کړې ده، هغه وويل دوی ته ويل کيږي چې د وطن سره وفا نه کوئ لټون دې وشي چې دوی چرته بې وفايي کړې ده دوی خو د پاکستان دفاع کړې ده".

هغه وويل دوی د ائين لاندې د ملک سره غداري نه ده کړې دلته جرنېلانو لس لس کاله مارشلا لګولي دي، پوځيانو په خپله پوځ خراب کړی دی.

اڅکزي وويل "د کرتار پور لار پرانستل شوه ښه خبره ده خو مونږ (پښتنو) کومه ګناه کړې ده"، هغه وويل پښتانه بې حسابه ووژل شو خو بيا ترې هم د وفادارۍ پوښتنه کیږي، هغه وویل دوی خو تر اوسه داسې کومه خبره نه ده کړې.

"د کرتار پور لار پرانستل کيږي او پښتنو ته (د افغانستان سره) په پوله د سيمو د ازغن تار ديوال جوړول کيږي د پاکستان ائين د فاټا خلکو ته دا حق ورکړی دی چې تګ راتګ به راکولی شي".

خو وويل په دې ځان خبر ساتئ چې د خالصتان تحریک او رنجيت سينګ مرکز لاهور ؤ.

هغه وويل "مونږ د دې ملک وفادار يو مونږ د دې ملک دفاع کړې ده، په دې ملک کې د وېمې درجې وګړيتوب او غلامي نه مني".

اڅکزی وايي "مونږ د دې ملک مالکان يو دا ملک به چلوؤ".

نور کتل

XS
SM
MD
LG