لاس رسیدونکی لینک

Breaking News

د چمالنګ د سکرو په کان کي درې کارکونکي مړه شوي


د پاکستان د ماينونو د اتحاديي رپورټ وايي د سکرو په کانونو کې هر کال له ١٠٠ څخه تر ٢٠٠ پورې پيښې رامنځ ته کېږي چي په لسګونه خواريکش پکي مري او ژوبل شي

د بلوچستان د دوکۍ په چمالنگ سیمه کې د کوئلې په درنگ کې درې کارکونکي مړه شوې دي.

د دوکۍ د پوليسو د تهانيدار غلام علي په وينا د کان د نړيدو له کبله په کان کې کاروکونکي درې کسان بند شوي وو او د اکسيجن ګيس د نيشت والي او د زهر جن ګيس ميتهين د زياتوالي له کبله خواري کښو ژوند دلاسه ورکړو.

دغه پېښه د زیارت، پنجشنبې، پر سهار رامنځته شوه.

د دوکۍ د پوليس تهانې هيډ محرر بلوڅ خان وي او ای ډیوه ته وويل چي د مړه شويو کسانو تعلق له افغانستان سره دی.

بلوچ خان زياته کړه چي مړه شوي کارکونکي په زرګونه فټه لاندي د سکرو په کان کې کار کاوه چي ناببره دا پيښه رامنځته شوه او کارکونکو خپل ژوند له لاسه ورکړو.

پوليس وويل تر اوسه د یو خواري کښ جسد راویستل شوی دی.

د ځاي خبريال الله نور ناصر په وينا چي د داسي پيښو معلومات ډير کم تر لاسه کيږي ځکه په داسې قسمه پيښو کې د وژل شویو او ژوبل شويو کسانو صحيح شمير نه معلوميږي. ناصر زياته کړه دلته د افغانستان او خيبر پښتونخوا خواريکش زيات دي کله چي يو پيشه را منځ ته شي نو د خواريکشو مړي خپلوعلاقو ته په پټه خوله يوړل شي څوک احتجاج کوي نه بله کومه غوښتنه کوي.

د پاکستان د ماينونو د اتحاديي رپورټ وايي د سکرو په کانونو کې هر کال له ١٠٠ څخه تر ٢٠٠ پورې پيښې رامنځ ته کېږي چي په لسګونه خواريکش پکي مري او ژوبل شي.

د بلوچستان د مائينز اينډ منرلز محکمې د شمېرو ترمخه د بلوچستان د سکرو په ۲۵۰۰ کانونو کې نزدې ۲۰ زره خواريکښ کار کوي.

  • 16x9 Image

    حفیظ الله شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

XS
SM
MD
LG