په چین کې د کورونا واېرس د زیاتیدونکو پېښو وروسته پاکستاني چارواکو د زیارت، پنجشنبې، په ورځ اعلان وکړو چې په هیواد کې به په هوايي ډګرونو یا ایرپورټونو د ګاونډي هیوادونو او د چین نه راتلونکي مسافرو څارنه یا معاینه کوي.
د صحت نړیوالې ادارې یا ډبلیو اېچ او تر دې دمه د کورونا واېرس ۵۰۰ کېسونو پخلی کړی او د دغه واېرس د لاسه تر اوسه ۲۰ تنه مړه شوي چې ټول په چین کې وو.
په پاکستان کې د چین د بیلینونو ډالرو سرمایه کارۍ منصوبې یا سي پېک وروسته د چین او پاکستان تر منځه د مسافرو تګ راتګ سېوا شوی او پاکستان ته د زرګونو په شمیر چینايي کارکونکي هم سفر کوي.
د پاکستاني چارواکو په وینا پاکستان ته هره اونۍ یا په یوه هفته کې ۴۰ نېغ په نیغه یا ډاېریکټ او یا د نورو هیوادونو نه تړلي یا ان ډاېرېکټ فلاېټونه یا د مسافر الوتکې راځي. دغه جهازونه د پاکستان دریو لویو ایرپورټونو کراچۍ، لاهور او سرښار اسلام اباد ته راځي.
د پاکستان د صحت مرکزي ریاستي وزیر ظفر مرزا وي او ای ته ویلي دغه هوايي ډګرې یا اېیرپورټونه د چین نه راتلونکو خلکو د راتګ ځایونه دي. او د صحت نړیوالو قوانیونو لاندې په دغه درې واړه اېیرپورټونو د راتلونکو مسافر معاینه شورو شوې.
خو نوموړي زیاته کړه چې تر اوسه پاکستان کې د کورونا وایرس هیڅ یوه پېښه نه ده ريکارډ شوې دغه وایرس د چین ووهان ښار کې رامخې ته شوی.
د ظفر مرزا تر مخه د لاهور، اسلام اباد کراچۍ په لوې هسپتالونه هم دایرپورټونو سره د څارنې د یو نظام لاندې تړل شوي. هم دغه شان سمندري لارې او د سړک لارې هم دي. نوموړي د پاکستان سرکاري ریډیو ته ویلي د چینايي سفارتخانو سره د بیړنۍ حالاتو لپاره ګامونه اخېستل شوي چې دا خبره یقیني شي چې پاکستان کې کار کونکي ګڼ شمیر چینایان چې د نوي کال لمانځلو لپاره خپل وطن ته تللي، په واپس راتلو يې سخته څارنه وشي.
د پاکستان د صحت د مرکزي وزیر تر مخه د پاکستان حکومت د خپل چینايي همنصبو او د صحت نړیوالې ادارې چارواکو سره مسلسل په رابطه کې دي چې په قامي کچه د څارنې او مخنیوي نظام قوي کړي.
چینايي چارواکو د کورونا واېرس د پېښو رپورټونو وروسته د زیارت په ورځ د ووهان صوبې محاصره کړې چې د دغه واېرس د خوریدو مخه ونیسي. د ۱۱ میلینه ابادۍ په ووهان سیمه کې اولسي ګاډي یا پبلګ ټرانسپورت تړل شوی. هوايي اډې یا اېیر پورټونه او ریل ګاډي تړل شوي او ځايي اوسیدونکو ته ویل شوي چې د ښاره دې بهر نه ووځي.
د صحت نړیوال پوهان وايي د دغه ناورغۍ د مخنیوي هڅې کوي خو دغه واېرس تازه دی او په اړه يې ډیر څه معلومات نشته.
دغه ناروغي د څاروو نه انسانانو ته لږي. خو ساېنسپوهان دا خبره موندلې چې د انسانانو نه انسانانو ته ددې د لږیدلو امکان هم شته. د صحت چاروکو خبرداری ورکړی چې چا ته دا واېرس لږیدلی وي هغه ته دې ډیر نه نژدې کیږي.
