د پاکستان اؤ نیوزي لینډ تر منځ د کرکټ د پینځوؤ سیالیو د لړۍ په دریمه سیالۍ کې د نیوي لینډ لوبډلې پاکستان ته په 7 ویکټونو ماتې ورکړې ده.
د اتوار - یکشنبې په ورځ د پاکستان راولپنډۍ کې د ترسره شوې دې سیالۍ پچه د نیوزي لینډ کپتان وګټله خو پاکستان ته یې وړومبی د بېټنګ کولو بلنه ورکړه.
پاکستان وړومبی بېټنګ وکړو اؤ نیوزي لینډ ته یې د ګټې لپاره د 179 منډو هدف کېښودو.
پاکستان پخپله پاڼۍ کې په ټاکلو 20 اوورونو کې د 4 لوبغاړو په تاوان 178 منډې جوړې کړې
د پاکستان له لوري شاداب خان 41، بابر اعظم 37 اؤ صایم ایوب 32 منډې جوړې کړې.
محمد رضوان د 23منډو په جوړولو له لوبې ځان وویستلو اؤ عرفان خان بیا 30 منډې جوړې کړې اؤ ناسوځېدلی پاتې شو.
د نیوزي لینډ له لوري سودھي 2 او بریس ویل او ڈفي د پاکستان یو،یو لوبغاړی وسوځولو.
نیوزي لینډ د 179 منډو ورکړل شوی هدف په 19م اوور کې د دریوؤ لوبغاړو په تاوان ترلاسه کړو.
د نیوزي لینډ له لوري مارک چیپمین په 42 بالونو 87 منډې جوړې کړې چې دې کې 4 شپږییزې اور 9 څلوریزې هم شامل وې.
ډین فوکس کرافټ 31، ټم رابنسن 28 اور ټم سیفرټ 21 منډې جوړې کړې۔
د پاکستان عباس اپریدي د نیوزي لینډ دوه لوبغاړي وځول اؤ نسیم شاه بیا د یو لوبغاړي په سوځولو وتوانېدو.
د پاکستان اؤ نیوزي لینډ د پینځوؤ ټي ټوینټي سیالیو د لړۍ وړومبۍ سیالي د باران له امله پرېښودل شوې وه اؤ په دویمه سیالۍ کې پاکستان نیوزي لینډ ته په 7 ویکټونو ماتې ورکړې وه.
Forum