پنجاب کې د مذهب سپکاوي په تور یو زده کونکي ته د مرګ او بل ته عمر قید سزا اورول شوې

د پاکستان د پنجاب صوبې په ګجرانواله ښار کې يو ځايي عدالت دوه زه کوونکو ته د مذهب د سپکاوي د تور په قضيه کې سزاګانې اورولي، يو ته یې د ‏مرګ او بل ته یې د عمر بند سزا اورولې ده.‏ د ګجرانوالې اډيشنل ډسټرکټ اېنډ سيشن جج ظفرياب چدړ په اورول شوې سزا کې ويل شوي، د مذهب د سپکاوي په سر مجرم ګرځول شوي ‏‎22‎‏ کلن تن د ‏مرګ او ‏‎13‎‏ کلن تن ته د عمر بند سزا اورول شوې ده

ويل شوي د دغو کسانو پرضد په کال ‏‎2022‎م کې په لاهور کې د اېف آی اې په تاڼه کې د سايبر کرايم د قانون لاندې مقدمه درج شوې او د مذهب د سپکاوي ‏په جرم ثابتېدو یې پرضد فېصله اورول شوې ده.‏

په فېصله کې ‏‎22‎‏ کلن ته د تعزيرات پاکستان د ‏‎295‎سي د مادې لاندې اورول شوې د مرګ سزا سره يو لک روپۍ جرمانه، د ‏‎295‎اې مادې لاندې پينځه کاله ‏بامشقته بند او مذهب د سپکاوي په جرم ثابتېدو ‏‎298‎سي مادې لاندې درې کاله بامشقته بند سزا تېرولو سزا هم اورول شوې ده.‏ او بل تورن ته د ‏‎295‎‏ اې، بي، سي مادو او ‏‎298‎اې مادې لاندې په جرم ثابتدو دوه ځله د عمر بند او دوه لکه روپو جرمانه اورول شوې ده.‏

د فېصلې ترمخه، په اورېدنه کې ثابته شوې چې يو مجرم به غېر اخلاقي ويډيو جوړوله او بل به خپروله.‏ ويل شوي، د فېصلې ضد په اووه ورځو کې په غټ عدالت کې خواست کېدی شي.‏

په فېصله کې په شخصي سکول کې د قران او سنت د تعليماتو او د هغې د واضحه تشريح نه کولو باندې د غصې څرګندونه شوې چې شخصي سکول د زده ‏کوونکو د مذهب په حواله سمو زده کړو کې پاتې راغلی دی.‏

په فېصله کې دا هم ویل شوي، چې د جديد يا نوي عصر زده کړو سکولونو فرض دي چې په زده کوونکو نظر ساتي، افسوس چې داسې نه دي شوي او د ‏هغې له سببه زده کوونکي د سمې لارې نه اوښتي او د خپلې کورنۍ د بدنامۍ سبب شوي دي.‏

د مرګ سزاوار مجرم ګرځول شوي تن وکیل (قانون پوهه) اسلم ګجر ويلي، زده کوونکی د دروغو په مقدمه کې ګېر کړل شوی دی.‏ هغه ويلي دواړو توهین رسالت يا توهين مذهب نه دی کړی دواړه پېغمبر اسلام او شعاير اسلام ته درناوی لري.‏

هغه دعوه کړې، د کومو کسانو پرضد چې چا شکايت کړی هغه د ځمکو کاروبار کوي او د يو تن نه یې د پېسو غوښتنه کړې چې کورنۍ یې په جاپان کې ‏کاروبار لري، او په انکار کولو د دوی او وکیل پرضد یې مقدمه درج کړل شوې وه.‏

د مرګ سزاوار شوي تن پلار ويلي، چې د هغه د لور هم په دغه تور کې د ګېرولو هڅه شوې ده. هغه زياته کړې، چې هغه سوګند اخستو ته تيار دی چې زوي ‏یې د مذهب سپکاوی نه دی کړی.‏

پاکستان کې وخت په وخت د مذهب د سپکاوي د پېښو خبرونه مخې ته راځي او نيوکې کيږي اکثره د مذهب د سپکاوي تورونه د شخصي ګټو دپاره ‏‏کاريږي.‏

‏(خبر د وي او اې اردو په مننه)‏