د خېبر پښتونخوا یو شمېر زده کونکي چې د افغانستان په پوهنتونونو کې زده کړې ترلاسه کوي وايي،‌ د تیرو څو میاشتو راهسې د تورخم پولې بندیز د لاسه یې زده کړې اغیزمنې شوي. وي او ای ډیوه سره د خبرو په مهال د طب یو شمېر زده کونکو ویلي، په یو څو ورځو کې یې امتحانونه پېلیږي او که سفر ته اجازه ور نه کړی شوه نو د کلونو خواري به یې لاهو شي. په دې اړه نور حال د وي او ای ډیوه خبریال عثمان خان په دې ویډیو رپورټ کې وړاندې کوي.