لاس رسیدونکی لینک

Breaking News

پېرس: د تاریخي نوټریډېم ګرجا یو شمیر برخې د اور لګیدو د لاسه سوځیدلې

update

په پېرس ښار کې د ۱۲مې پېړۍ پخوانۍ او پېژندلې ګرجا نوټرېډېم کې د اوور لګیدو لکبله دغه تاریخي ودانۍ ته سخت زیان رسیدلی خو اوور وژونکې عملې ویلي د ودانې دوه لوې مېنارونه يې د سوځیدو نه ژغورلي.

د پېرس ښار د اوور وژنې څانګې مشر جین کلاېډ تیره شپه ناوخته د یادې ودانې بهر خبریالانو ته ویلي ٫٫ د نوټرډیم چرچ مهمه ودانۍ د تباهۍ نه ژغورل شوې.٬٬ نوموړي ویلي د اوور وژنې په دغه عملیاتو کې د عملې یو تن سخت ټپي شوي.

د اوور لګیدو د پېښې وروسته په یو وخت کې د اوور لمبې تر ۱۰ مېټرو پورې لیدل کیدلې. په دغه اوور کې د نوټريډېم چرچ پوره چت سوځیدلی او مهمې برخې يې پریوتي. د یاد چرچ یو ویاند د فرانس مطبوعاتو ته ویلي وو د چرچ د لرګیو جوړه زیاته برخه امکان دې تباه شوي وي.

نوموړي ویلي په دغه تاریخي چرچ کې د لاس جوړې (آرټ) نمونې او ګڼ شمیر مقدس شایان د ودانۍ نه وېستل شوي.

تیره شپه لګیدلي دغه اوور وژنې په عملیاتو کې تر ۴۰۰ پورې اوور وژونکي تنانو برخه اخستې. تر دې دمه د ۱۲مې پېړۍ دغه تاریخي چرچ کې د اوور لګیدو سبب نه دی معلوم که څه هم د فرانس میډیا رپورټونه کې د چارواکو د خولې وېل شوي امکان دې دغه اوور د چرچ د بیا رغونې د کار له امله لګیدلی وي. په دغه چرچ کې د بیا رغونې د کار لپاره یو شمیر برخې د وړاندې نه ټوټې ټوټې کړی شوي او چارواکو ویلي د دغلته نه د کانزو مجسمې تیره اونۍ لرې کړی شوي.

د فرانس صدر اېمانېول مېکرون په ټوېټر په یو پېغام کې لیکلي ٫٫ زمونږ د ملګرو په رنګ ځه هم نن د خپلو تاریخي برخو په سوځیدو غمجن یم.٬٬ نوموړي د دغه پېښې له امله د وړاندې نه پلان شوې خپله اولسي وینا ځنډولې. د پېرس ښار سرکاري وکیل دفتر ویلي د اوور لګیدنې دغه پېښې پلټنې يې پېل کړي.

د نوټریډېم په چرچ کې د اوور لګیدو وروسته امدادې کار کونکو د خواو شا ودانیو نه خلک خوندي ځایونوته رسولي. د عیني شاهدانو تر مخه دغه اوورد ماښام ۷ بحې لګیدلی وو چې سمدستي وروسته بیا د اوور وژنې عمله سره د خپلو ټرکونو دغلته ورسیدله.

د امریکا صدر ډانلډ ټرمپ په ټوېټر د دغه پېښې په اړه لیکلي ٫٫ د پېرس پهنوټرډیم په چرچ کې دغه اوور ویرونکی دی. د دغې لپاره فلاېنګ واټر ټېنک کارول پکار دي، پکار ده دغه کار زر تر زره وشي.٬٬

د پېرس ښار نوټرې ډام چرچ د اروپا یو تر ټولو تاریخي او د زیاتو سېلګرو د سېل مرکز دی چې هر کال په مېلینونو سېلګري يې لیدو له ورځي. د ۱۲مې پېړۍ دغه تاریخي چرچ یادونه په پخوانیو کتابونو کې هم راغلې.

XS
SM
MD
LG