لاس رسیدونکی لینک

Breaking News

صدر بایډن خبرداری کړی چې روس اینده میاشت په یوکرېن یرغل کولی شي


د امریکې صدر جوبایډن د یوکرېن صدر ولادومېر زلنسکي ته خبرداری وکړی چې دا خبره "خاص" امکان لري چې روس اینده میاشت په یوکرېن پوځي یرغل وکړي.

د وایټ هاوس د بیان ترمخه صدر بایډن زلنسکي ته په یوکرېن د روس د ممکنه حملې په اړه خبرادری صدر د زیارت، پنجشنبې، په ورځ ورکړو.

د وایټ هاوس د قامي سلامتیا شورا ترجمانې اېمېلي هورن وویل صدر بایډن وویل دا "خاص" امکان موجود دی چې روس د فېبرورۍ په میاشت کې په یوکرېن یرغل وکړي. "هغه (صدربایډن) دا خبره څرګنده وکړه او د تېرو څو میاشتو راهسې په دې اړه خبرداری کوو."

د وي او ای د رپورټ ترمخه روس د زیارت، پنجشنبې، په ورځ د یوکرېن په سر د راپورته شوي تاوتریخوالي د کمېدو په اړه د خوشبینۍ امکان رد کړو. روس دغه خبره پس له هغې وکړه چې امریکې او مغربي اتحادیانو د روس دا غوښتنه رد کړه چې یوکرېن ته دې په نېټو کې رکنیت ورنکړی شي او مغربي ملکونه دې د روس سره په پوله د مشرقي یورپ نه خپل ځواکونه او جنګي ساز او سامان لرې کړي. د روس خارجه وزیر سرګی لاو رو وویل د روس غوښتنو ته د امریکې جواب مثبت نه و خو د جواب ځینې عناصر په ثانوي موضوعاتو د سنجیده خبرو په لورې بوتللی شي.

امریکې او یورپي اتحادیانو یې ویلي د روس په غوښتنو پرمختګ نشي کېدلی.

صدر بایډن د زیارت، پنجشنبې، په ورځ‌ یوکرېن صدر ولادومېر زلنسکي سره خبرې وکړې او روس سره د تاوتریخوالي په مهال یې ورته د امریکې د ملاتړ ډاډ ورکړو.

صدر بایډن سره د خبرو وروسته زلنسکي په یو ټویټ کې وویل امریکايي صدر سره یې یوکرېن دپاره د اضافي مالي مرستې په موضوع هم خبرې وکړې.

یادونه: د دې خبر دپاره څه معلومات د ای پي، ډوېچی وېلی، ای اېف پي او د فرانس ټونټي فور نه هم اخیستل شوي دی

XS
SM
MD
LG