د هلمند د والي ویاند وايي، د هلمند د واشېر ولسوالۍ لپاره یې د طالبانو تش په نامه ولسوال چې محمد نبي نومېږي د چهارشنبې یا شورو په ورځ نیولی دی.
د والي د ویاند لخوا په یو خپور شوي بیان کې راغلي دي چې محمد نبي په دغه ولایت کې د دوو لس کسیزو ډلو مشري هم کوله.
په بیان کې وړاندې راغلي دي چې محمد نبي د لومړنیو پلټنو پرمهال په خپلو کړنو اعتراف کړی.
په بیان کې نور معلومات نه دې ورکړل شوي او طالبانو هم تر دې مهاله په دې اړه څه نه دي ویلي.