لاس رسیدونکی لینک

Breaking News

طالبان: د کابل په یو هوټل حمله کونکي درې مسلح کسان وژل شوي، حمله ختمه ده


ذبیح الله مجاهد وویل په برید کې څوک غیرملکي شهري نه دی وژل شوی خو دوه خارجیان په داسې حال کې زخمیان شوي دي چې د ځان بچ کولو دپاره یې د ودانۍ د بالکونۍ نه لاندې دانګل

د افغانستان سرښار کابل په یو هوټل حمله کونکي درې مسلح کسان وژل شوي او حمله ختمه شوي ده. دا خبره د طالبانو ترجمان ذبیح الله مجاهد وکړه.

په هوټل حمله د ګل، دوشنبې، په ورځ د کابل په شهر نو برخه کې شوې وه.

د روېټرز خبري ادارې ترمخه په حمله کې په هدف شوی هوټل د چینايي شهریانو دپاره مقبولیت لرلو.

ذبیح الله مجاهد وویل په برید کې څوک غیرملکي شهري نه دی وژل شوی خو دوه خارجیان په داسې حال کې زخمیان شوي دي چې د ځان بچ کولو دپاره یې د ودانۍ د بالکونۍ نه لاندې دانګل.

د ذبیح الله مجاهد د خبرو نه وړاندې روېټرز د شهر نو د اوسېدونکو له قوله ویلي وو چې په سیمه کې د چاودنې وروسته ډزې شروع شوې وې.

د شهر نو اوسېدونکو روېټرز ته ویلي وو چې په هغه ودانۍ شوې چې چینايي او نور غیر ملکیان پکې عموماً اوسېږي.

د چین سرکاري خبري ادارې شین هوا چې په شهر نو کې حمله د چینایانو د یوې مهمان خانې سره نژدې شوي او دا چې په کابل کې د چین سفارت د حالاتو په غور کتنه کوي.

روېټرز خبري اداره وايي پ شهر نو کې د حملې نه یوه ورځ وړاندې په کابل کې د چین سفیر د طالبانو موقتي نایب خارجه وزیر سره ولیدل، د امنیت او په نورو موضوعاتو یې ورسره خبرې وکړې او د خپل سفارت د امنیت دپاره يې د نورې توجه غوښتنه وکړه.

روېټرز وايي په ۲۰۲۱ کې افغانستان نه د امریکايي ځواکونو وتلو او طالبانو د بیا واکمنېدو نه پس په افغانستان کې یو شمېر چاودنې او نورې پېښې شوي دي.

داعش خراسان ډلې هم د ځینو حملو مسولیت منلی دی.

یادونه: د دې خبر معلومات د روېټرز خبري ادارې نه اخیستل شوي دي

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه


د امریکا صدر جوبایډن د سټېټ اف دي یونین وینا
please wait

No media source currently available

0:00 1:59:58 0:00

Recommended

XS
SM
MD
LG