لاس رسیدونکی لینک

تازه خبر

ټانک: د پوځ په ډزو د یو تنکي هلک ژوبل کېدو په ضد خلکو احتجاجي پرلت پېل کړی


Tank peace protest
Tank peace protest

د خېبر پښتونخوا په ټانک ضلعه کې وروسته له هغې ځايي خلکو د پوځي قلعې مخې ته احتجاجي پرلت پیل کړی چې د سیمې یو تنکی ځوان د امنیتي ځواکونو په ډزو کې ټپي شو.

سرچینې وايي د اتوار د ورځې په سهار د ټانک ضلعې ملازۍ سیمه کې نامالومه وسله والو د امنیتي ځواکونو په قلعه د لاسي بم حمله کړې چې تر هغې وروسته د امنیتي ځواکونو اؤ وسله والو ترمنځ د ډزو تبادله هم شوې ده .

سرچینې زیاتوي چې د امنیتي ځواکونو په ډزو کې د یو تنکي هلک د ژوبل کېدو په ضد د سیمې خلکو د پوځي قلعې مخې ته احتجاجي پرلت پیل کړی دی.

احتجاجي پرلت ته د وینا پرمهال مفتي امتیاز مروت ویلي چې علاقه یې د ناامنۍ ښکار ده دغلته وسله وال بریدونه وکړي او تر هغې وروسته امنیتي ځواکونه په عام ولس ډزې کوي.

هغه ویلي دغه تنکي ځوان نیغ په نیغه د امنیتي عسکرو په ډزو په داسې حال کې ویشتل شوی چې د لوبو په میدان کې یې د نورو همځولو سره د کرکټ لوبه کوله.

هغه دعوه کړې دا دویم ځل دی چې په علاقه کې د پوځ په ډزو عام کسان ویشتل کیږي.

مفتي امتیاز مروت ویلي احتجاجي پرلت به تر هغې روان وي چې د عام ولس د ویشتلو د مخنیوي پوخ ډاډ نه وي ورکړل شوی.

پوځ په دې اړه څه نه دي ویلي او د ملازۍ تاڼې چارواکي وايي ژوبل ماشوم ټانک سیمه کې روغتون ته وړل شوی چې حالت یې د خطرې نه بهر دی او احتجاج کوونکو سره خبرې پیل کړې دي.

تر دې دوه ورځې وړاندې په لکي مروت سیمه کې هم ځاي خلکو د امنیتي ځواکونو د ډزو خلاف احتجاجي پرلت کړی ؤ اؤ پنجاب ته غځېدلې لاره یې د احتجاج په ډول تړلې وه .

په هغه مهال د لکي مروت اسسټننټ کمشنر یاسر نزیر ډیوه ته ویلي وؤ پوځ باور ورکړی چې په دوو ورځو کې به د پرلت والو غوښتنې ومنل شي اؤ په دې باور ترلاسه کولو مظاهرینو خپل احتجاجي پرلت ختم کړی دی.

  • 16x9 Image

    عدنان بېټنی

    عدنان بېټنی د پښتونخوا په ډېره اسماعیل خان ښار کې د وي او اې ډیوه خبریال دی. هغه د افغانستان او پاکستان تر منځ د پولې دواړو غاړو خصوصاً له وزیرستانه د نورو مسلو تر څنګ د ترهګرۍ، جنګځپلو کډوالو، بشري حقونو او د دواړو هېوادونو تر منځ پر سیاسي اړیکو او اقتصاد رپوټونه جوړوي. نوموړي د ډېره اسماعیل خان له ګومل پوهنتونه د جرنلزم له زدکړو سره سره د سیاسیاتو ماسټري ډګري هم تر لاسه کړې ده.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 2:59:59 0:00

Recommended

XS
SM
MD
LG