لاس رسیدونکی لینک

Breaking News

ټامس ویسټ: جنګ د افغانستان د شخړې حل نه دی، سياسي هلې ځلې دې وشي


ښاغلي ویسټ لیکلي چې هغه په دبۍ کې د ځینو کاروباریانو او بانکرانو سره لیدلي او د پېسو په انتقال کې د شتو ستونزو په اړه یې خبرې کړي

د افغانستان لپاره د امریکې ځانګړي استازي ټامس ویسټ په خپلې رسمي ټویټر پاڼې لیکلي چې د دې میاشتې په پېل کې د متحده عربي اماراتو همکارانو سره په افغانستان کې د ګډو ګټو په اړه یې تفصیلي او ګټورې خبرې کړي.

هغه د متحده اماراتو مننه کړې چې دغه فرصت یې برابر کړی او وییلي‌ چې طالبان له نزدې څاري چې د ترهګرۍ او د افغانانو حقونو خوندي ساتلو په اړه ژمن پاته شي.

ښاغلي ویسټ لیکلي چې هغه په دبۍ کې د ځینو کاروباریانو او بانکرانو سره لیدلي او د پېسو په انتقال کې د شتو ستونزو په اړه یې خبرې کړي.

دا پرمختګونه په داسې حال کې مخې ته راځي چې ښاغلي‌ وېسټ د مې په اخره کې په ترکي کې د هغو افغانانو مشرانو او سياسي خلکو سره ليدلي وو چې غواړي د افغانستان د روانې شخړې حل دې د نور جنګ نه بلکې د خبرو اترو د لارې وشي.


ښاغلي ویسټ په ترکیه کې د خبريالانو، بينکرز، بشري حقونو فعالانو، پخواني ګورنرانو، د پخواني پارلمان غړو، قانون پوهانو، د پخواني حکومت چارواکو او وزيرانو سره په تفصيل خبرې کړي او دا نتيجه يې ترې اخستلې چې ټول موافق دي چې جنګ د افغانستان د شخړې حل نه دی او غواړي سياسي هلې ځلې دې وشي.

او له دې وړاندې ښاغلي وېسټ د ازبکستان په سرښار تاشکند کې هم د ډېرو افغانانو سره د افغانستان په روانو حالاتو ملاقاتونه کړي.

خو بل لور ته دوې اونۍ وړاندې یو شمېر سیاستوال، چې اکثرو یې د افغانستان د تېرو شلو کلونو په حکومتونو کې لویې چوکۍ لرلې په انقره کې د عبدالرشید دوستم په کور کې راټول شول او د طالبانو پر ضد یې د افغانستان د ملي مقاومت عالي شورا جوړه کړه. دوی د طالبانو حکومت "ظالمانه او غاصبانه" بللی او له هغوی څخه یې غوښتي چې ورسره خبرو اترو ته چمتو شي.

XS
SM
MD
LG