منتخب صدر ډونلډ ټرمپ جمعې په شپه په یوه بیان کې وویل چې هغه به سکاټ بېسنټ څوک چې د هیج فنډ مدیر/منېجر دی د خزانې د وزیر په توګه وټاکي.
بیسنټ، 62، کلن دی، هغه د کېپټل منېجمنټ هیج فنډ جوړونکی دی او له 1991 راهیسې یي د سوروس فنډ باندې هم وخت په وخت کار کړی.
بېنسټ یو ارب پتی دی او مخکې د ډیموکرېټس ملاتړی پاتي شوي خو بیا د ټرمپ ملاتړی پیل کړی. هغه ویلي چې د امریکا ملي قرض د کمولو لپاره به کار کوي. که تایید شي، هغه به د هیواد لومړی هم جنس پرست د خزانی وزیر وي.
هغه د اګست په میاشت کې بلومبرګ ته ویل چې، دا د ټاکنو دوره د امریکا لپاره وروستی چانس دی چې د پور له دې غره څخه د وتلو لپاره لاره برابره وي، پرته لدې چې یو ډول اروپایی سټایل سوشلیسټ ډیموکراسي شي."
هغه د مالیاتو د کمولو لپاره د ټرمپ د پلان ملاتړ کوي او ویلي یې دي چې د ټرمپ د دویمې دورې په وخت به د محصولاتو بنیادي توګه چین په اړه وي.
په یوه بیان کې، ټرمپ وویل، "سکاټ ته د نړۍ د مخکښو نړیوالو پانګوالو او جیو پولیټیکل او اقتصادي سټریټجېسټ په توګه په پراخه کچه درناوی کیږي."
منتخب صدر ټرمپ د جمعې په شپه اعلان وکړو چې هغه به رسل تورلو وواټ د بودیجې او منېجمنټ د دفتر مشر په توګه وټاکي. وواټ د ټرمپ په لومړي حکومت کې هم پدغه رول کې پاتي شوي دی.
د لېبروزارت د پاره ټرمپ لوری شاویز-ډي ریمر نوم اعلان کړو، څوک چې د اوریګن استازی ده ، چې د ایالت په پنځمه کانګرس ډسټرکټ کې یي د بیا ټاکنو په وخت بیللې.
د جمعې په شپه د هغه وروستی کابینې انتخاب سکاټ ټرنر و چې د کور جوړونې/ هاوسنګ وزیر په توګه به دنده ترسره کوي.
منتخب صدر د جمعې په شپه یو شمیر د صحت/روغتیایی انتخابونه هم وکړل ، د کورنۍ درملو یا فیملي ډاکټر به جینیټ نیشیواټ یې، ډاکټر ډیو ویلډن به د ناروغیو کنټرول او مخنیوي مرکزونو ته به لارښوونه کوي او سرجن مارټېن ماکاري به د خوراک او دوایانو اداره چلوي.
ټرمپ د جمعې په ورځ ناوخته اعلان وکړو چې هغه د بهرنیو چارو وزارت پخوانی چارواکی الیکس وانګ به د ملي امنیت د سلاکار د مرستیال په توګه کار کوي.
ټرمپ همداراز سېبسټین ګورکا د وایټ هاوس د ترهګرۍ پر ضد د مبارزې د مشر په توګه وټاکه او ویې ویل چې هغه د ملي امنیت په برخه کې تر ۳۰ کلونو زیاته تجربه لري.
Forum