لاس رسیدونکی لینک

Breaking News

صدر ټرمپ: سي ايي ای به مې د خاشقجي د وژنې په اړه رپورټه خبروي


د امریکا صدر ډانلډ ټرمپ ویلي د سعودي خبریال جمال خاشقجي په اړه د امریکا استخباراتي ادارې سي ايي ای تیار شوي رپورټ په اړه لا ورته معلومات نه دي ورکړی شوي. نوموړي زیاته کړې د خالي په ورځ ناوخته به په دغې معامله خبرول کیږي.

د خالي په ورځ په واېټ هاوس کې خبریالانو سره دخبرو په وخت صدر ټرمپ ویلي ٫٫ نن ورځ به د سي ايي ای سره په دغې او په یو شمیر نورو معاملو خبرې اترې کووم. د خارجه چارو سېکتر ماېک پمپیو سره به هم ورسته خبرې کووم.٬٬

د امریکا استخباراتي ادارې (سي ايي ای) ويلي دوي ګڼي چې د سعودي عرب خبریال جمال خاشقجي د ولي عهد محمد بن سلمان په امر وژل شوی دی.

رويټرز خبري ادارې د سرچینو له خوا ویلي سي ايي ای د امریکا د حکومت سره کانګرس ته د خپلې ارزونې احوال تېر کړی کوم چې د سعودي عرب د حکومت د څرګندونې سره په تضاد کې دی چې ګنې ولی عهد محمد بن سلمان په دې وژنه کې لاس نه لري.

د سي ايي ای دغه خبر چې له دې وړاندې واشنګټن پوسټ اخبار هم خپور کړی وو او پکې ويل شوي وو، دا خبره یقیني ده چې د سعودي عرب واکمن د خبریال د وژنې نېغ په نېغه ويلي دي.

په واشنګټن کې د سعودي عرب د سفارتخانې وياند دغه ادعا ناسمه بللې ده، او ويلي يې دي دوي په دغه اړوند ډېرې اوازې اوري.

جمال خاشقجي د اکتوبر په ٢مه نېټه په استنبول کې د سعودي عرب کونسلګرې ته د خپل واده لپاره کاغذونه جوړولو لپاره ورغلی و خو بیا ژوندی نه دی لیدل شوی.

د ترکي او سعودي چارواکو د هغه د مرګ تصدیق کړی دی خو جسد یې نه دی موندل شوی.

XS
SM
MD
LG