د اوکراین صدر ولادېمېر زېلېنسکي ویلي د چين صدر شي جن پېنګ سره يې په ټېلې فون خبري کړي دی.
زېلېنسکي د شورو، چهارشنبې، په ورځ په ټوېټر یو پېغام کې وویل شي پېنګ سره "اوږدې او بامعنې" خبرې وکړې.
زېلېنسکي وویل امید کوي چې چینايي صدر سره د خبرو او چین دپاره د اوکراین سفیر د ګمارل کېدو په نتیجه کې به د دواړو ملکونو په تعلقات کې پرمختګ وشي.
د زېلېنسکي د ټویټ نه دا نه معلومېده چې ټېلې فون چا کړی و.
چین په اوکراین د روس د یرغل غندنه نه ده کړې، ماسکو او بيجېنګ نژدې ملګري او چين غوښتنه کړې چې د اوکراین جنګ ختمولو دپاره دې خبرې وکړی شي.
صدر شي د فېبرورۍ په میاشت کې د ماسکو درې ورځنی سفر وکړو او د روس صدر ولادېمیر پوټن سره يې وليدل.
\ماسکو ته د صدر شي د سفر په اړه اېسوسي اېټېډ پرېس خبري ادارې په خپل یو رپورټ کې ویلي وو چې د چینايي صدر دوره صدر پوټن دپاره مضبوط سیاسي ملاتړ و چې مغربي ملکونو ته يې دا پېغام هم ورکولو چې د روس د تنها کولو کوښښونه يې ناکامه شوي دي.
یادونه: د دې خبر ځېني معلومات د ای پي نه اخیستل شوي دي