لاس رسیدونکی لینک

Breaking News

اوکرایني چارواکي وايي د روس په مزایل حمله کې ۳۵ وژل شوي دي


په نيپرو کې مزایل حمله د خالي، شنبې، په ورځ شوې او د اوکراین هوايي پوځ ویلي په حمله کې کی اېچ ټونټي ټو نومې مزایل استعمال شوي چې د روس  کورسک سېمي نه چلول شوي وو

د اوکراین چارواکو د ګل، دوشنبې، په ورځ وویل د هېواد په نيپرو ښار کې د روس په مزایل حمله کې د استوګنې یوه ودانۍ لګېدلې ده او لږ تر لږه ۳۵ پکې وژل شوي دي او امدادي کارکونکي د نورو کسانو دپاره د لټون عملیات شروع کړي دي.

نيپرو ښار چې په کومه سیمه کې دی د دې ګورنر د سوشل ميډیا د لارې وویول چې په ودانۍ حمله کې ۷۵ کسان زخمیان شوي او ۳۵ نور بې درکه دي.

په نيپرو کې مزایل حمله د خالي، شنبې، په ورځ شوې او د اوکراین هوايي پوځ ویلي په حمله کې کی اېچ ټونټي ټو نومې مزایل استعمال شوي چې د روس کورسک سېمي نه چلول شوي وو.

د اوکراین د پوځي چارواکو ترمخه اوکرایني ځواکونو د هغه ۳۳ مزایلو نه ۲۱ مزایل راغورځولي وو چې روسي ځواکونو ویشتلي وو. د دغو چارواکو په وېنا اوکراین د کی اېچ ټونټي ټو مزایل د راغورځولو صلاحیت نه لري.

د اوکراین چارواکي وايي په اوکراین د یرغل راهسې روسي ځواکونو د اوکراین په غیر پوځي هدفونو ګڼ شمېر حملې کړي خو روس د دې تردید کوي.

یادونه: د دې خبر معلومات د ای اېف پي، ای پي او روېټرز خبري ادارې نه اخیستل شوي دي

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG