د اوکراین صدر ولادومېر زېلېنسکي به د امریکې په کوربتوب د جمهوریت په موضوع نړیواله غونډه کې په اوکراین کې د مستقل امن په اړه خپل نظر وړاندې کوي او بېلا روس ویلي د امریکې، برطانيې او د نېټو د فشار له امله يې روس ته اجازت ورکړی چې د بېلا روس په خاوره اېټمي وسلې وګماري.
د بېلار روس خارجه وزارت په خپل بیان کې وویل د دې حالاتو په تناظر کې او د ملک قومي سلامتیا ته د د خطر په سبب بېلاروس مجبور شوی دی چې خپل دفاعي صلاحیتونه او امینت مضبوط کړي.
د روس صدر ولادمېر پوټن د خالي، شنبې، په ورځ په بېلاروس کې د ټېکټیکل یا د وړو اېټمي وسلو د ځای په خای کولو اعلان وکړو او ويې وېل د دې ضرورت اوکراین سره د مغربي ملکونو د زیاتېدونکي پوځي مرستې په سبب پېښ شوی دی. هغه وویل د مغربي ملکونو په امداد کې اوکراین ته د برطانيې زغره شلونکي ګولۍ هم شاملې دي چې استعمال شوی یورېنېیم کاروي.
صدر زېلېنسکي به د امریکې د سمېټ فار ډېماکرسي کې تقریر کوي.
دغه غونډه د نهې، سه شنبې، په ورځ شروع کېږي او د امریکې خارجه وزارت یا سټېټ ډپارټمنټ ویلي د امریکې خارجه وزیر اېنټني بلېنکن به د ابتدايي نشست کوربه وي.
په انلاین بڼه غونډه کې به د نورو ملکونو خارجه وزیران هم شرکت کوي او صدر زېلېنسکي به خپله وېنا کې په اوکراین کې د امن په اړه خپل نظر وړاندې کوي.
د ګل، دوشنبې، په ورځ قوم ته خپله شبینه تقریر کې زېلېنسکي وویل د ازادۍ په ملاتړ کې به يې د همېشه په شان غږ مضبوط وي.
په نړیواله کچه د انصاف دپاره د امريکې د انصاف وزارت استازي بېت وان شاک د ګل، دوشنبې، په ورځ خپل تقریر کې وویل امریکا د یو داسې ډلې حمایت کوي چې په اوکراین د جارحیت د جرم په سر سزاګانې ورکړي.
یادونه: د دې خبر معلومات د وی او ای د اوکرایني ځانګې، رویټرز، ای پي، ای اېف پي او رويټرز خبري ادارې نه اخیستل شوي دي
