د ملګرو ملتونو د ښځو ادارې په افغانستان کې د طالبانو په نوي انتقالي حکومت کې د ښځو په نشتوالي ژوره مايوسي څرګنده کړې ده.
طالبانو په 15 اګست د کابل نيولو وروسته د نهې/سه شنبې په ورځ (7ستمبر) خپله لنډ مهاله 33 کسيزه کابينه اعلان کړې چې يوه پکې هم ښځه نشته.
د ملګرو ملتونو د ښځو ادارې د افغانستان دپاره مرستيالې استازې اليسن ډوېډين پرون د شورو/چهارشنبې (8ستمبر) په ورځ ویلي، دا د منلو وړ نه ده چې نړيواله ټولنه به دا قبول کړي چې ښځې به د حکومت برخه نه وي.
هغې ویلي نه يواځې په افغانستان کې بلکې په يو هېواد کې به هم داسې نه وي.
د طالبانو په اعلان شوې کابينه کې نه يواځې دا چې ښځې شاملي دي بلکې د ښځو د چارو وزارت هم پکې نشته.
د ملګرو ملتونو استازې ویلي، د ښځو د حقونو احترام د هر حکومتي چارواکو دپاره ازمايښت وي او دغې ته په کتو بايد د هر حکومت قضاوت وشي.
ډوېډين ویلي، خو طالبانو د کابينې په اعلان سره دغه موقعه د لاسه ورکړه چې نړۍ ته يې ښکاره کړی وی چې دوی ژمن دي چې ټوله شموله او خوشاله ټولنه جوړوي.
په افغانستان کې ښځې د یوې لسيزې راهسې کار کوي چې پکې د 75 پورې ملکي او بهر ملکۍ په کابل او پينځه ولايتونو کې کار کوي.
په افغانستان کې د ښځو د بې سوادۍ (بې تعليمۍ) له امله دوی اوس هم په کارونو کې کمه برخه لري. او د کال 2004 په ايين کې چې د جنس د برابرۍ اصول وضع شوي، او هغه ښځې چې نزدې په دوه لسيزو کې يې کوم پرمختګ کړی نه غواړي چې هغه د مينځه لاړ شي.
ډوېډين ویلي، د دوی کار کوونکې مدني فعالې او د ښځو د حقونو ساتونکي په ويره کې دي چې د دوی حقونه به بيرته وتروړل شي، دوی ته به اجازه نه ورکړی کيږي چې کارونو ته لاړې شي يا بې د نارينه به دوی کوم کار وکړی شي.
د طالبانو د کابل په واکمنۍ کې د تيرې یوې اوونۍ راهسې په افغانستان کې ښځې د خپلو حقونو دپاره مظاهرې کوي.
د ملګرو ملتونو د ادارې مرستيالې استازې ویلي، دوی ګوري چې افغان مېرمنۍ به خپل حقوق د لاسه ور نه کړي دوی نه غواړي چې له مينځه يوړل شي.
هغې په نړيواله ټولنه غږ کړی چې د ښځو په مشرۍ د مدني فعالانو تنظيمونو مرستې وکړي چې خپلې لاس ته راوړنې خوندي کړي.
