لاس رسیدونکی لینک

Breaking News

امريکا د ويغور مسلمانانو نه په زور د مشقت اخستلو خلاف قانون پلي کوي


د امريکې په سان فرانسسکو ښار کي د چين په ضد یو احتجاج کوونکي کتبه پورته کړي چې وايي چې وايي چین دې حراستي مرکز بند کړي. چین دا خبره ردوي چې په لکونو ویغور مسلمانان يې په حراستي مرکز کې بند کړي دي

د امريکا حکومت د نهې/سه شنبې د ورځ نه هغه قانون پلي کوي چې د کمپنيانو نه غواړي د چين په سينکياګ سيمه کې د هغه څيزونو د کاروبار نه ډډه وکړي چې پکې د يغورو نه په زور مشقت اخستلی شي او دا چې په دې اړه به پوره او کره ثبوتونه وړاندې کوي.

دې متنازعه پرېکړې د چين حکومت خفه کړی او چين تل د امريکا د دې دعو مخالفت کړی چې د ويغور اقليت سره زور زياتی کيږي او وايي دا تش دروغ بللي.

خو ولې دې قانون د امريکا په کاروبارونو کې هم انديښنې پيدا کړي او کاروباريان وايي مرکزي حکومت ورته پوره لار ښودنه نه ده کړې چې څنګه او څومره ګامونه واخلي چې مالونه يې د امريکا په پولو نه نيول کيږي.

کارپوهان وايي د فيصلې عملي کول به د امريکا د ډېرو کاروباونو د پاره ګران وي ځکه چې يو خو په چين کې داسې د منلو وړ دريم ګړی څوک نشته چې دا ضمانت ورکړي چې کوم مال د زور په مشقت نه دی جوړ شوی او بل دا چې د مال د رسد نظام پېچيده دی.

ځينې ګڼي دا قانون به کاروباريان اړ باسي چې سيمې ته د سره مالونه هډو راوړي نه.

د پيټرسن انسټيټوټ د نړيوال اقتصاد کارمند کولن هينډرېکس وي او ای ته وايي “دا امکان ډېر دی چې دا قانون به په سينکياک کې د جوړېدونکو مالونو د درامد کولو لړۍ په موثره توګه ودروي”.

هغه وايي ځينې هغه پروګرامونو کاميابي موندلې چې کاروبارونه د زور د مشقت نه پاک اسناد ولري خو د دې د کاميابۍ په سينکيانګ کې موقه کمه ده.

ياد قانون د کانګرس نه په ډسمبر کال 2021 کې منظور شوی او ولسمشر جو بايډن لاسليک کړی چې قانون وګرځي او د نهې په ورځ د ياد قانون د معياد د ختمېدو سره سم پلي کيږي.

امريکا دعوه کوي چې چين په سينکيانګ کې د ويغورو نسل وژنه کوي او د چين کميونسټ ګوند د ويغور کلتور په ختمولو لګيا دی.

د چين حکومت په سخته د دې تورونو نه انکار کړی خو برتانيه، نيدرلينډ او لېتوانيا او د ايمنيسټي انټرنيشنل، هيومن رايټس واچ او د امريکا هالوکاسټ ميموريل ميوزک په رنګ تنيمونو پلټنې هم د امريکا د دريځ ملګرتيا کوي.

یادونه: د وي او ای خبریال راب ګارور دې رپورټ دپاره عاصم کاشغریان هم خبري نګاري کړې ده

XS
SM
MD
LG