د اسرایل او حماس جنګ د شروع کېدو نه پس په امریکا کې د یهودیانو، مسلمانانو او د نورو مذهبي تنظیمونو په ضد ګواښونه زیات شوي او د امریکې د داخلي امنیت ادارې ډېپارټمنټ اف هوم لېنډ سېکیورټي په دې اړه نوي هدایات جاري کړي دي.
د شورو، چهارشنبې، په ورځ جاري کړی شوي هدایات به د مذهبي تنظیمونو مرسته کوي چې په لږ لګښت د خپل تحفظ دپاره ګامونه پورته کړي او خپلې ودانۍ او اسانتیاوې او خپلې غونډې محفوظ کړي.
د مذهبي او د ټولنې مشرانو یوې غونډې ته د وډیو کال دلارې د ډي اېچ ای سېکرېټري الیهانډرو مایورکس وویل په داسې حال کې په امریکا کې د یهودیانو د کرسمس او د یهودیانو د هانکا د خوشحالۍ دستورو لمانځلو دپاره د تیارۍ دوام لري نو پکار وه چې په دې موقع د مختلفو مذهبونو خلکو په یو ځای خوشحالي کړی وی خو دوی په بله سنجیده مسله یو ځای کېږي.
هغه وویل په ملک کې د خظر فضا زیاته شوې او د کرکې یو ګام هم وړکوټی نه وي.
د ډپارټمنټ اف هوم لېنډ سېکیورټي نه علاوه د امریکې تحقیقاتي ادارې اېف بي ایی هم ویلي په تېره څه موده کې د نفرت جرمونه زیات شوي دي.
د اېف بي ایی مشر د شورو، چهارشنبې، په ورځ د کانګرس غړو ته وویل چې د اکتوبر د میاشت راهسې د کرکې جرمونه 60 فیصد زیات شوي په زیاترو پېښو کې په امریکا کې د یهودي ټولنې غړو ته دړکې شوي دي.
د مسلمانانو او د عرب یا فلسطیني نژاد خلکو خلاف هم حملې شوې دي چې په کې شپږ کلن ماشوم په چاړه وهل شوی او وژل شوی دی.
د امریکې مشر سرکاري وکیل یا څارنوال اټارني جنرل مېرېک ګارلېنډ د ډي اېچ اېس غوڼدې ته وویل د مختلفو مذهبي ټولنو د ویرې احساس کېدلی شي.
مذهبي تنظیمونو ته امنیت د بهتر کولو دپاره ډي اېچ اېس یو شمېر تجویزونه وړاندې کړې چې په کې په ودانیو کمېرې او رڼا ګانې لګول، د خطر جاج اخیستل او نور داسې ګامونه شامل دي چې دلارې یې ټولنې ته خطرات کمېدلی شي.
امریکايي چارواکي وايي دا وخت تر ټولو زیات خطر د داسې ډول حملو دی چې په منځني ختیځ کې په حالاتو غصه یو تن یوازې یا وړې ډلې د انتهاپسند ډلو د اثر لاندې څه قسمه ګام پورته کړي.
امریکايي چارواکي خبرداری کوی چې په اوو اکتوبر په اسرایل د حماس د حملې وروسته په امریکې د حملې دپاره د انتهاپسند ډلو غوښتنې په زیاتېدو دي.
د اېف بي ایي ډرېکټر کرسټوفر ری د سېنېټ د عدليي کمېټۍ ته وویل هر خوا ته د خبردارۍ رڼاګانې ويني او داسې وخت یې مخکې نه دی لیدلی چې په یو وخت د هر ډول ګواښ امکان زیات شوی وي.
Forum