د امریکې د دفاع وزیر لواېډ اسټن د ګل، دوشنبې، په ورځ په نوي دلي کې هندي هم منصب راجنات سېنګ سره د دفاع په برخه کې د دواړو ملکونو د همکارۍ د زیاتولو په موضوع خبرې وکړې.
د اسټن او د سېنګ ملاقات په داسې حال کې شوی چې د هندوستان وزیراعظم نرندره مودي څو هفتې وروسته واشنګټن ته تلونکی دی.
د ملاقات وروسته، سېنګ په ټوېټر خپل وویل د هغه او د اسټن د خبرو مرکز سټرېټيجېک مفادات او د سېکیورټي په مد کې زیاته همکاري وه.
سېنګ وویل د هند او پېسېفېک سیمه کې ازادي او د قانون د عملدارۍ دپاره د هندوستان او امریکې همکاري انتهايي ضروري ده او په دې لړ کې ارمریکي سره همکاري نوره مضبوطولو ته کتنه کوي.
سېنګ سره د ملاقات وروسته، اسټن د هندي وزیر ستاینه وکړه او ويې وېل چې هغه د دواړو ملکونو ترمنځ همکارۍ، مشترکه مشقونو او د ټېنکالوجۍ د شریکولو دپاره لاره هواره کړې ده.
مودي به د جون په ۲۲ نېټه د امریکې دروه کوي.
د چین د مخنیوي د کوښښونو په لړ کې امریکې هندوستان تعلقات ژور کړي دي.
یادونه: د وي او ای د دې خبر معلومات د روېټرز او ای پي خبري ادارو نه هم اخیستل شوي دي