د امریکا صدر ډانلډ ټرمپ په دې راضي شوی چې د شمالي کوریا مشر کم جونګ اون سره به د مې په میاشت کې د دغه هیواد لانجمن اېټمي پروګرام په سر خبرې اترې کوي.
د صدر ډانلډ ټرمپ لخوا د شمالی کوريا مشر کم جون اونګ سره د ملاقات یا لیدو کتو بلنه د ځېنو څیړونکو په نظر يو حيرانونکې پرمتخگ دی او ورته خوش بينه دي خو ځېني نورو بیا په دغې شکونه څرگند کړي.
د امریکا او شمالي کوریا د مشرانو ترمېنځ د لیدو کتو څرګندونې د سويلي کوريا د قامي امنيت مشر چونگ ایيو يونگ تیره ورځ په سپينه ماڼۍ کې د صدر ټرمپ او د انتظاميۍ د مامورينو سره د لیدو کتو وروستو کړي.
په سپینه ماڼې کې د صدر ټرمپ سره په ملاقات کې ښاغلي چونګ امریکایي صدر ته د شمالي کوریا د خپل سفر او ملاقاتونو تفصيل هم ورکړی.
نوموړي صدر ټرمپ ته د شمالي کوريا د مشر د خپل هيواد د لانجمن اېټمي پروگرام په سر خبرو اترو ته امادګي ښودلو او د میزایلي ازموینو نه ډډه کولو بارو په اړه هم خبر کړی.
د سویلي کوریا د قامي امنیت مشر چې د کوریايي هیوادونو تر مېنځه د خبرو اترو مشري يې هم کوله صدر ټرمپ ته ویلی چې شمالي کوریا دغه خبرو اترو ته تیاریږي که چرې امريکا د دغه هيواد حکومت ته د امنيت باور ورکړي او د پوځي عملياتو د دهړکو نه لاس واخلي.
نن د جمعې په روځ د امريکا د خارجه چارو وزير ريکس ټيلرسن چې دا مهال د افریقايي هیوادونو په سفر دی د صدر ټرمپ او د شمالي کوریا تر مېنځه لیده کاته یو مهم پرمختگ بللی او زیاته کړې يې ده د خبرو اترو لپاره دا تر ټولو مناسب وخت دی.
ښاغلی ټیلرسن ویلي صدر ټرمپ د وړاندې نه د خبرو اترو په لار د شخړو هوارولو په پالیسۍ کار کوي.
که د امریکا او شمالي کوریا مشران د مې په میاشت کې د شمالي کوريا اېټمي پروګرام په سر خبرو اترو ته کښېني نو ګڼ څيړونکي ګمان کوي دغې سره به د دوو کالو راهسې په دغه سېمه کې مخ په زیات شوي کشاله به سر ته ورسي.
