لاس رسیدونکی لینک

تازه خبر

صدر بایډن د افغانستان په اړه قام ته وېنا کوي


د امریکايي پوځ په دې تصویر کې جنرل کرېس ډوناهو لیدل کېږي چې د افغانستان نه ستنېدونکی ورستی امریکايي عسکر دی
د امریکايي پوځ په دې تصویر کې جنرل کرېس ډوناهو لیدل کېږي چې د افغانستان نه ستنېدونکی ورستی امریکايي عسکر دی

په افغانستان کې د امریکې ۲۰ کلن جنګ سر ته رسېدلی او صدر جوبایډن به د نهې، سه شنبې، په ورځ افغانستان نه د ځواکونو د راویستلو د خپلې فېصلې په اړه وېنا کوي.

افغانستان نه د امریکايي عسکرو د انخلا اعلان د امريکې مرکزي کمانډ (سېنټکام) وکړو چې په افغانستان کې يې ماموريت (مشن) سر ته ورسېدو، او کابل نه د امریکې وروستۍ الوتکه د کابل په وخت د 30 او 31 اګست په منځنۍ شپه پورته شوه.

افغانستان نه د امریکايي ځواکونو د ستنیدو په اړه صدر بایډن د ګل، دوشنبې، په ورځ په مختصر بیان کې وویل چې هغه به په خصوصي توګه د خپلې دې فېصلې په باره کې خبرې کوي چې امریکايي ځواکونه دې د افغانستان د انخلا بهیر د اګست د ۳۱ نېټې پورې ستانه شي.

د امریکې پوځ د مركزي کمانډ مشر جنرل مېکېنزي
د امریکې پوځ د مركزي کمانډ مشر جنرل مېکېنزي

افغانستان نه د امریکې د انخلا په اعلان کې د امریکې پوځ د مرکزي کمانډ یا سېنټ کام مشر جنرل کېنېت فرېنک مېکېنزي وویل په افغانستان کې د امریکې موجودګي هغه ماموریت وو چې د القاعده مشر اوسامه بن لادن او د هغه یو شمېر نور ملګري یې انصاف ته راکښ کړل.

هغه وویل په افغانستان کې د امریکې ماموریت په مهال ۲۴۶۲ امریکايي عسکر او غیرپوځي کارکونکي وژل شوي او د ۲۰۰۰۰ نه زیات زخمیان شوي دي. د دې ترڅنګ هغه د هغو پوځي او غیر پوځي امریکايي کاروکونکو ستاینه هم وکړه چې په افغانستان کې یې خدمات ترسره کړي دي.

په کابل د طالبانو د واک وروسته جنرل مېکېنز وویل امریکې د افغانستان نه ۷۹۰۰۰ ملکي کسان وېستلي دي چې پکې ۶۰۰۰ امریکايي شهریان او ۷۳۰۰۰ افغانان او د نورو ملکونو وګړي شامل دي.

کوسوو ته رسېدونکي د افغان کډوالو یوه ډله
کوسوو ته رسېدونکي د افغان کډوالو یوه ډله

د وي او ای د رپورټ ترمخه د طالبانو د سوشل میډیا په اکاونټونو داسې وډیوګانۍ شرېکېدلې چې طالب وسله والو پکې د امریکايي ځواکونو په ستنېدلو په خوشحالۍ کې هوايي ډزې کولې.

په کابل کې د ډزو په اړه د طالبانو ترجمان ذبیح الله مجاهد د ټوېټر دلارې وویل "په کابل ښار کې د ډزو غږونه د امریکایي عسکرو د وتلو په اړه د خوشحالۍ ډزې دي، ښاریان دې اندیښنه نه کوي. موږ یې د کابو کیدو په حال کې یو."

په عین حال کې د امریکې د بهرنيو چارو وزير اېنتني بلېنکن ویلي امریکې په افغانستان کې خپل سفارت وتړلو او افغانستان سره سفارتي هلې ځلې د قطر نه ترسره کوي. د افغانستان نه د امریکايي ځواکونو د وتلو په مهال بلېنکن وویل امریکا د افغانستان د اینده دپاره بل پلان هم لري او دغه پلان به عملي کوي.

اېنتني بلېنکن
اېنتني بلېنکن

بلخوا په افغانستان کې د سولې دپاره د امریکې خصوصي استازي زلمي خليلزاد ویلي چې په کابل د واک اختیار ترلاسه کولو دلارې طالبان د دې ازمایش سره مخامخ شوي چې آیا ملک به يو داسې محفوظ او نېکمرغه اینده ته ورسوي چې ټول افغانان به پکې د خپلو صلاحتیونو نه کار واخلي.

خلیلزاد په ټوېټر خپل پېغام کې دا پوښتنه هم وکړه چې "آیا افغانستان به وکولای شي چې د خپلو بیلابیلو کلتورونو، تاریخونو او دودونو ښکلا او ځواک نړۍ ته وړاندې کړي؟"

زلمي خلیلزاد او د طالبانو مرکچي ملا عبدالغني بردار د سولې معاهده لاس لیک کړې ده
زلمي خلیلزاد او د طالبانو مرکچي ملا عبدالغني بردار د سولې معاهده لاس لیک کړې ده

په کابل د واک ترلاسه کولو وروسته طالبانو ویلي چې د مېرمنو او د بشري حقونو تحفظ به کوي خو د انساني حقونو فعالان د طالبانو ماضي ته په کتنه په دې اړه تشویش څرګندوي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG