لاس رسیدونکی لینک

Breaking News

امریکه، کینیډا، او مکسیکو به د فټبال د ٢٠٢٦ کال د عالمي لوبو کوربانه وي


د امریکې، کینیډا، او مکسیکو پلاوي د ورلډ کپ د کوربه توب په سیالیو کې خپله بریا لمانځي

د فټبال نړیوال فډریشن ـ فیفا ـ نن پریکړه وکړه چې د فټبال د ٢٠٢٦ کال عالمي لوبې به په امریکه، کینیډا، او مکسیکو کې کیږي.

د ٢٠٢٦ فټبال کپ د کوربه توب دپاره په وروستۍ سیالي کې، یوې خوا ته مراکش (المغرب) پاته و، او بل پلو امریکه، کینیډا، او مکسیکو په گډه هڅه کوله چې د ورلډ کپ کوربانه شي. د فیفا کنگرس نن په مسکو کې د رایې ورکولو غونډه وکړه چې پکې ١٣۴ هیوادونو، د امریکې، کینیډا، او مکسیکو گډ کوربه توب ته رایه ورکړه، او ٦٥ هیوادونو د المغرب په پلوۍ رایه ورکړه.

تر دې مخکې، په کال ١٩٩۴ کې هم امریکه د عالمي فوټبال لوبو کوربه وه، خو له هغه وخت راوروسته، بیا د شمالي امریکا د لویې وچې هیڅ کوم هیواد ونشو کولای د ورلډ کپ کوربه شي.

د فټبال ٢٠١٨ کپ عالمي سیالۍ سبا د زیارت ـ پنجشنبې په ورځ، د روس په کوربه توب پیلیږي او لومړۍ لوبه به د روس او سعودي عرب ترمنځ وي.

د فټبال ٢٠٢٢ ورلډ کپ سیالۍ به په قطر کې وشي، او نن دا ده معلومه شوه چې د ٢٠٢٦ کال عالمي لوبې به په امریکې، کینیډا، او مکسیکو کې کیږي.

XS
SM
MD
LG