لاس رسیدونکی لینک

تازه خبر

وال سټریټ ژورنال: دوو امریکایي کمپنو افغانستان ته د پېسو انتقالول ځنډولي


د کابل اوسېدونکي وايي د بېنکونو زیاتره ای ټي اېم بند دي چې له امله یې د پېسو په ترلاسه کولو کې د مشکلاتو سره مخامخ دي
د کابل اوسېدونکي وايي د بېنکونو زیاتره ای ټي اېم بند دي چې له امله یې د پېسو په ترلاسه کولو کې د مشکلاتو سره مخامخ دي

د امریکې وال سټریټ ژورنال ورځپاڼې ویلي د امریکې دوو مالیاتي کمپنو افغانستان ته د پېسو انتقالول ځنډولي دي او امریکايي بېنکونه د افغان بېنکونو سره خپل لېن دېن ته د نژدې نه کتنه کوي.

د وال سټریټ ژورنال ترمخه وېسټرن یونین او مني ګرام انټرنېشنل نومې کمپنو په کابل د طالبانو د واک نه پسافغانستان سره کاروبار بند کړی دی. د رپورټ ترمخه د دغه کمپنو د فېصلې له امله به د هغه افغان کورنیو په مالي مشکلاتو کې اضافه وشي چې په بهر ملکونو کې ورته خپلوان پېسې استوي.

بلخوا د کابل ځینې اوسېدونکي وايي په کابل د طالبانو د واک وروسته د خوراک د بنیادي ضرورت شیانو قیمتونه زیات شوي او د بنېکونو زیاتره ای ټی اېم بند دي چې له امله یې خلک د پېسو په راوېستلو کې د مشکلاتو سره مخامخ دي.

د کابل اوسېدونکي فهمیدالله د وي او ای ډیوه خبریال ته وویل چې وړاندې د اوړو کڅوړه په ۱۸۰۰ افغانۍ وه چې اوس دریو زرو افغانیو ته رسېدلې ده. هغه وویل "دا اسلامي امارت دی, رزوګارونه نشته."

د کابل یو ټېکسي ډرایور احمد زبیر د وي او ای ډیوه خبریال ته وویل چې د بېنکونو زیاتره ای ټي اېم بند دي او ژوند ګران شو ی دی.

د وال سټریټ ژورنال ترمخه د ډالر په مقابل کې د افغانۍ په قېمت کې ۱۰ فیصد کمی شوی دی.

د ګل، دوشنبې، په ورځ د طالبانو ترجمان ذبیح الله مجاهد وویل چې د مالي مشکلاتو د هواري دپاره د افغانستان بانک موقتي مشر وګمارل شو.

مجاهد په ټوېټر خپل پېغام کې وویل "د دولتي اداراتو او بانکي مسائلو د تنظیم او د خلکو مشکلاتو ته د رسیدګۍ په هدف د اسلامي امارت مشرتابه لخوا محترم حاجي محمد ادریس د افغانستان بانک سرپرست لوی رئیس په توګه و ټاکل شو."

بلومبرګ خبري اداره د محمد ادریس په اړه په خپل رپورټ کې وايي چې د د طالبانو د اقتصادي شورا مشر و او د تعلیمي قابلیت او د مالي او بېنکي چارو په اړه د هغه د تجربې په باره کې څه ډیر معلومات نشته.

د ښاغلي ادریس د ګمارل کېدو نه وړاندې د افغانستان بانک سرپرست مشر اجمل احمدي و چې په کابل د طالبانو د واک وروسته د ملک نه ووتلو.

ښاغلي احمدي په یو ټويټ کې ويلي په بېنکونو کې د هېواد شتمنیو ته هېڅ زیان اوښتی نه دی او نه د کوم بېنکي حساب نه پیسې پټې شوي دي.

د افغانستان بانک موقتي مشر په داسې حال کې ګمارل شوی دی چې د امريکې واشنګټن پوسټ ورځپاڼې او نورې مېډيا ويلي چې د ولسمشر جوبایډن ادارې د امريکې په بېنکونو کې د افغانستان نهه اشاريه پينځه یا نهه نیم اربه ډالره منجمد کړي دي.

د صدر جو بایډن د حکومت یو چارواکي واشنګټن پوسټ ته په يو بيان کې وويل چې په امریکا کې د افغانستان ملي بېنک شتمنۍ به طالبانو ته نه ورکوي.

د اجمل احمدي ترمخه د افغانستان په دغه شتمنۍ کې ډالر، سره زره ، بانډونه او نوره سرمایه ده چې وایي ډېره یې د نیویارک په فېډرل ریزرو او نورو ادارو کې پرته ده.

افغانستان ته د پېسو په انتقال د ځنډ د امریکايي کمپنو د فېصلې په اړه خپل رپورټ کې وال سټریټ ژورنال وویل چې په نړیواله کچه وسله والو د مالي سرچینو خلاف کارکوونکې ادارې فاینېنشل اېکشن ټاسک فورس غړو هېوادونو ته ویلي چې د طالبانو اثاثې دې منجمد کړي ځکه چې امریکې، ملګرو ملتونو او ځینو نورو ملکونو طالبان ترهګره ډله ټاکلې ده.

ځانګړې ویډیوګانې


د امریکايي خبریال د روس په زندان کې کال پوره کېدونکی دی
please wait

No media source currently available

0:00 0:04:17 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG