پېنټګان: د دفاع وزیر لواېډ اسټن د پروسټېټ کېنسر درملنه شوې

د امریکې د دفاع وزارت، پېنټګان د نهې په ورځ ویلي چې د امریکا د دفاع وزیر لواېډ اسټن د پروسټېټ کېنسر( سرطان ) درملنه شوې او تېره اونۍ هسپتال کې د داخل کېدو علت یې د یورینېري ټرېک انفېکشن ناروغي وه.

د پېنټګان لخوا دا بیان یوه ورځ وروسته له هغه ورکړل شوی چې سپینې ماڼۍ او پېنټګان دواړو ویلي وو چې د هغه حالاتو جاج اخلي چې تېره اونۍ د دفاع وزیر لواېډ اسټن په هسپتال کې د داخل کېدو حالاتو او دې ته کتنه کوي چې د وایټ هاوس چارواکو ته اطلاع نه وه ورکړی شوې چې اسټن اختیارات خپل نایب ته سپارلې دي.

د نېشنل سېکیورټي کاونسل ترجمان جان کربي د ګل، دوشنبې، په ورځ خبریالانو ته وویل کتل کېږي چې په کومو قوانينو او ضابطو عمل نه و شوی چې دا ډول د تجربې نه زدکړه وشي.

د ګل، دوشنبې، په ورځ ناوخته جاري شوي یو یاداشت کې پېنټګان وویل د دېرشو ورځو په جایزه کې به هسپتال ته د اسټن د تګ نه وروسته حالاتو او نوټېفيکېشنز یا اطلاعاتو ته کتنه کولی شي او د دې خبرې تعین به هم کولی شي چې سېکرېټري په کومو حالاتو کې د خپلو ذمه واریو پوره کولو جوګه نه وي او لوړ رتبه چارواکو ته د دې اطلاع د ورکولو عمل بهتر کړی شي.

په موجوده وخت کې د سېکرېټري د اختیاراتو د منتقلېدو اطلاع ګڼ شمېر چارواکو ته ورکړی کېږي چې په کې د پوځ لوړ رتبه چارواکي، سیکرېټ سروس یا د صدر په شمول د اعلا چارواکو د تحفظ محکمه، وایټ هاوس او د دفاع وزارت مامورین شامل دي.

صدر جوبایډن د امریکې د مسلح ځواکونو مشر دی او د بایډن نه پس اسټن په دویمه درجه دی. د ډسمبر په ۲۲ نېټه اسټن ناروغه او د جنورۍ په وړمبۍ نېټه هسپتال ته منتقل کړی شو.

د پېنټګان ترجمان مېجرجنرل پېټرېک رایډر وویل هسپتال ته د اسټن د تګ په مهال هېڅ وخت هم د امریکې قومي سلامتیا د خطر سره مخامخ شوې وه که څه هم د هغه ذمه وارۍ د دفاع نایب وزیرې کېتلین هېکس ته د اسټن په هسپتال کې د وخت په مهال سپارل شوې وي.

ترجمان وویل اسټن د مستعفي کېدو څه اراده نه لري. هغه زیاته کړه اسټن د دفاع وزیر په حېث خپلو ذمه واریو ته پام لرنه کوي، او د عملیاتو او استخباراتي رپورټونه ترلاسه کوي.

ترجمان وویل اسټن د هسپتال د زیاتې پاملرنې څانګې نه زیاتې شخصي برخې ته منتقل کړی شوی دی.
پېنټګان د اسټن د ناروغۍ په اړه تفصیلات نه دي شریک کړي.

اوویا کلن څو ورځې بایډن هسپتال ته د خپل تګ نه نه و خبر کړي او نه يې هم پېنټګان ته په دې اړه د اعلان کولو خبره کړې وه چې د حکومت په اعلا عهدو د چارواکو دپاره به د معمول خبره وي.

اسټن د خالي، شنبې، په ورځ وویل هسپتال ته د هغه د تګ نه چاپېره د رازدارۍ ټوله ذمه واري د هغه ده.
خو د پخواني صدر ډانلډ ټرمپ په شمول د ريپبلېکن پارټۍ مشرانو د اسټن د برطرفۍ غوښتنه کړې ده.

ټرمپ وویل د غېر مناسب مسلکي چلند او ذمه وارۍ نه د غافله کېدو په سر دې اسټن د دندې نه لرې کړی شي.
ټرمپ د سوشل ميډیا په خپله پاڼه ټرووت سوشل وویل اسټن یوه هفته غېب و او د هغه د مشر په شمول هېڅ څوک نه وو چې چېرته دی.

د ريپبلېکن پارټۍ د کانګرس د هاوس اف رېپرېزېنټېټیوز غړي اېليس سټيفانېک هم د اسټن د برطرفۍ غوښتنه وکړه او په یو بیان کې یې د هغه غېر حاضري ذمه وارۍ نه خطرناک غفلت وبلو. هغې وویل کانګرس دې په دې اړه تحقیقات وکړي.

چارواکو د اتوار، يکشنبې، په ورځ هسپتال ته د اسټن تګ ښکار کړو چې په غېر معمولي توګه د نورو چارواکو نه خفیه ساتل شوی و عن تر دې چې د هغه نایب هېکس هم نه وه. د اسټن په فرایضو کې دا هم شامله ده چې د ثانيې په نوټس هم د قومي سلامتیا په مسله حاضر وي.

کربي وویل هغه د اسټن د طبې مسلې په اړه څه معلومات نه لري او په نږدې ورځو کې یې بایډن سره خبرې کړي دي. کربي وویل اسټن په خپل کار دوامداره ساتي.